HeimsMeistarastevnan 2023 byrjar nú fríggjadagin hin 14. juli í Fukuoka í Japan, har sjálv svimjistevnan er frá 23. til 29. juli. Altjóða svimjisambandið skrivar her um hvussu vit kunnu fylgja við úr Føroyum, ið stutt sagt er annaðhvørt umvegis danska TV2, ella á stroymingartænastuni All Aquatics.
Sí yvirlit yvir kappingarnar her, úr Føroyum luttaka Elisabeth Erlendsdóttir og Líggjas Joensen í kappsvimjing
Fyriskipararnir leggja nú út videoir frá svimjistevnuni á Oyggjaleikum 2023
Mánamorgun 10. juli
So er næsti dagur avgreiddur hjá svimjihópinum á Oyggjaleikum 2023, og gekk tað bara heilt væl hjá okkara svimjarum. Tey svimja upp ímóti og betri enn sínar bestu tíðir, og vunnu í kvøld 1 gull, 4 silvur og 1 bronsu afturat heiðursmerkjunum frá í gjár, so at vit til nú hava vunnið 2 gull, 6 silvur og 4 bronsur í svimjingini. Og hartil setti Elisabeth Erlendsdóttir oyggjaleikamet í 100 rygg.
Okkara svimjarar eru týðiligvís væl fyri, nú á Oyggjaleikum 2023. Rættiliga nógv persónlig met, og rættiliga nógv finalupláss eisini, bæði fyrsta og næsta morgun.
Í morgun varð tað til eini 13 finalupláss, um eg telji rætt
So fór hesin fyrsti kappingardagurin afturum, á svimjistevnuni á Oyggjaleikum 2023 á Guernsey, og gekk tað heilt væl hjá okkara svimjarum. Tilsamans 6 heiðursmerki varð tað til – 1 gull, 2 silvur og 3 bronsur – umframt at Isak Brisenfeldt setti stórt nýtt føroyskt juniormet í 200 metra firvaldasvimjing.
Tey hava nú avgreitt fyrsta stevnupart á Oyggjaleikum 2023, og gekk tað heilt væl hjá okkara svimjarum. Tilsamans eiga vit 12 pláss í finalunum í kvøld:
Finalurnar byrja kl 18:00 í kvøld, Guernsey og føroyska tíð, við fínari ókeypis stroyming her á boxcast.tv
Fyriskipararnir av Oyggjaleikum 2023 vísa her til beinleiðis stroyming frá øllum stevnupørtum á svimjistevnuni á Oyggjaleikum, at verða her á boxcast.tv.
Stevnupartarnir eru innleiðandi frá kl 10:00 og finalur frá kl 18:00
ÍSF ávarar her um falskar Facebook-síður og bólkar, sum geva seg út til at vera ein av fyriskiparunum, sum bjóða stroyming og live updates frá tiltøkunum á Oyggjaleikum. Hesi krevja at man skrásetur sítt gjaldskort og rindar fyri hetta.
Offisiella síðan finst her, við leinki til ókeypis stroyming
So er Norðurlendska Meistarastevnan fyri Ung 2023 liðugt avgreitt, sum var í Jönköping í Svøríki. Tað gekk væl hjá okkara svimjarum – Bjarta setti tvey persónlig met og Róa fýra, og hartil svam Róa seg til silvurnál við stjørnu, umframt at hon endaði beint uttanfyri heiðursmerkini í 400 frí.
