Pál fær óvæntað mótstøðu í London 🙂
Landsdysturin nevndur á ‘Streamlined News’
Hyggja síggj, nú vóru vit á morgunrásini hjá SwimmingWorld Magazine eisini. Video og avskrift avskrift her á SwimmingWorld Magazine.
An interesting Duel in the Pool is taking place tomorrow. Swimmers from Iceland and the Faroe Islands will meet to determine which is the better country, at least in the pool. On paper, the tiny nation of the Faroe Islands has the advantage, on the strength of Pal Joensen, who placed fourth in the 1500 free at the world championships. We will let you know who wins the meet on our world channel at swimmingworld.com.
Innslag í 3-2 hin 6. oktober 2011 um landsdystin
Innslag í ítróttarsendingini 3-2 hjá Kringvarpi Føroya hin 6. oktober 2011, um fyrireikingarnar til komandi landsdyst ímóti Íslandi. Okkurt lítið óbetýðiligt óreglusemi í videoini, at hatta er Ægir og ikki landsliðið sum venur. Men meiningin er góð nokk 🙂
SwimmingWorld.TV um at vera klár til landsdystin
Gerið so væl, her er offisiella ‘event landing page’ hjá SwimmingWorld.TV, í sambandi við landsdystin Føroyar-Ísland 2011. Við skræddaraseymaðum búmerki frá Róa Winthereig á Føroyaprent. “Special thanks to Rokur Jakupsstovu, and Kringvarp Foroya for providing this content.” 😀
Íslendingarnir seinkaðir einar 3 tímar
Ein heilsan her til serliga tykkum ið skulu taka ímóti íslendingum har norðuri í Klaksvík:
Hey tit,
orsaka av tekniskum ávum er íslandsflogfarið seinkað.
Ístaðin fyri at lenda kl. 15.00 lendir tað kl. 18.00, so vit vænta bussin í Klaksvík umleið kl. 20.00.
Heilsan
Jon Hestoy
Kringvarpslýsing um landsdystin
Sjónvarpslýsing her sum Kringvarp Føroya hevur koyrt millum sendingarnar í nakrar dagar. Spennandi, nú er at vóna at høllin verður full har norðuri!
Landsdystur ímóti Íslandi á triðja sinni
Tíðindaskriv frá Svimjisambandi Føroya
Nú leygarkvøldið 8. oktober verður landsdystur millum Føroyar og Ísland í svimjing, í svimjihøllini í Klaksvík frá klokkan 18:30 til 20:30. Hetta er triðja ár á rað at skipað verður fyri hesum landsdysti, aðru ferð í Føroyum, har vit vunnu í Tórshavn í 2009, og Ísland síðani í Reykjavík í 2010.
CAS avvísir Olympiskt bann av dopingdømdum
Altjóða ítróttardómstólurin CAS hevur í dag kunngjørt at sonevnda ‘Osaka-reglan’ er ógildug og óbrúkilig, sum annars bannaði øllum teimum at luttaka á Olympisku leikum, sum síðani síðstu leikir hava fingið ein dopingdóm á 6 mánaðir ella meira. Hetta merkir millum annað at amerikanski bringusvimjarin Jessica Hardy nú hevur fullan rætt at luttaka, sum annars fekk ein dopingdóm eftir amerikansku úttøkustevnuni til Beijing í 2008, vegna evni sum hon sigur komu av dálkaðum kosttilskoti. Les t.d. SwimNews, Reuters og pressuskrivið frá CAS.
ES við forbjóða Danmark at loyva feløgum undan moms
ES-kommisiónin hevur stevnt danska statin, tí at tey ikki vilja góðtaka at alment gagnlig feløg í Danmark sleppa undan moms. Hetta tí at tey í ES halda tað kunna vera kappingaravlagandi. Um kommissiónin vinnur sakarmálið, so fara feløgini at fáa stórar fíggjarligar trupulleikar, og fleiri feløg meta enntá at tey tá mugu avtakast. Les t.d. dif.dk og svoem.dk.
SwimmingWorld áhugaði í landsdystinum millum Føroyar og Ísland
Ja, hetta vendir rætta veg – SwimmingWorld.TV ynskir at sleppa vísa landsdystin millum Føroyar og Ísland, og Kringvarp Føroya er sinnað at loyva tí. Talan verður ikki um beinleiðis sending, men um at vit koma at senda teimum riðlarnar ein-og-ein, so at fólk sjálvi kunnu velja hvørjar kappingar tey vilja síggja. Kringvarp Føroya fer væntandi at vísa stevnuna beinleiðis á síni heimasíðu, og hartil verður hon so at síggja í sjónvarpinum, nú leygarkvøldið.