Mariana de Leon tók eitt stev ov nógv, tá ið hon saman við øðrum cheerlead’arum framførdi á Pan-Am leikunum í Mexico her um vikuskiftið. Les ABC News
Pál gull í 1500 frí á World Cup í Stockholm
Pál Joensen megnaði her seinnapartin at vinna gull í 1500 metra frísvimjing á World Cup stevnuni í Stokkhólmi, við tíðini 14:52.00 væl frammanfyri serbiska Stefan Sorak á 15:06.57 og brasilska Marcos Oliveira á 15:13.19. Hetta gjørdist ein solosvimjing av teimum heilt stóru, har allir mótstøðumenn uttan Sorak vórðu yvirhálaðir við tveimum hyljalongdum, og har tað eftir teir fyrstu 800 heldur ikki var nakar ivi um hvør sum fór at vinna. Sí úrslitalistan her.
Continue reading Pál gull í 1500 frí á World Cup í Stockholm
Pál bronsu í 400 frí á World Cup í Stockholm 2011
Pál Joensen megnaði í dag at vinna sær bronsuheiðursmerki á stóru World Cup stevnuni í Stockholm, við tíðini 3:45.50 í 400 metra frísvimjing. Hetta var í harðari kapping við serbiska Stefan Sorak á 3:45.09 og kinesiska Zhongchao Zhang, eitt vet aftanfyri týska Paul Biedermann á 3:43.45.
Continue reading Pál bronsu í 400 frí á World Cup í Stockholm 2011
Video frá World Cup í morgun
Video er nú at síggja á www.youtube.com/svimjing, frá føroysku luttøkuni á World Cup í Stockholmi í morgun. Her niðanfyri er tað Pál Joensen sum svimur seg víðari til finaluna í 400 frí.
Pál í 400 frí finalu á World Cup í Stockholm 2011
Pál Joensen megnaði í morgun at svimja seg víðari til finaluna í 400 frí á World Cup í Stockholmi, sum verður nú seinnapartin umleið klokkan 15:40 føroyska tíð. Hann svam seg rættiliga trygt í finaluna, við næstbestu tíð av øllum, 2:49.11 aftanfyri serbiska Stefan Sorak á 3:48.62 og frammanfyri týska Paul Biedermann á 3:50.33.
Okkara ungu svimjarar hava eisini allir roynt seg í morgun, Magnus Jákupsson í 100 rygg og 50 firvald, Birita Debes í 50 rygg og 50 frí, Óli Mortensen í 400 frí og Guðrun Mortensen í 50 frí. Tíðirnar vóru eitt sindur frá bestu tíðum, men stemningurin er tó góður í føroyska leirinum, tey eru fyrst og fremst við til at venja kapping á sovorðnum støði.
Sí úrslitalistar her. World Cup finalurnar kunnu síggja beinleiðis á netinum, sí t.d. www.svimjing.com/live
Jón skrivar og metir um á Suðurrás
Spennandi lesnaður her á Suðuroyarportalinum:
Pál Joensen sum seinastu 18 dagarnar hevur vant hjá heimsmeistaranum í 1.500m frí frá Perth (Australia) í 1991 Jørg Hoffmann úr Eysturtýsklandi, skal til hesa kappingina royna seg í 400 & 1.500m frí. Tað er allar fyrst 1.500m sunnudagin sum okur vilja hava skal ganga gott, tí hendan tíðin skal nýtast sum tilmeldingartíð til Evropameistakappingina á stuttgeil sum verður í Pólandi í desembur, Pál skal tá svimja 1.500m frí á sínum 21 ára føðingardegi.
Væl framkomin til Stockholm
Tað hevur verið ein nokk so langur og pakkaður dagur, men nú eru vit so endiliga komin á hotell-rúmini, eftir venjing í Eriksdalsbadet og ein fínan náttverða her á hotellinum. Øll eru her uttan Pál sum kemur í morgin, rættiliga væl fyri og klár til svimjistevnu í vikuskiftinum. Vónandi gongur tað gott, tey hava í øllum førum verið røsk inntil nú 🙂
Minnist til trygdina, og serliga umsjón !
Tíðliga mánamorgunin ‘after pool hours’ var 22 ára gamli James Rigg funnin druknaður í svimjideplinum hjá Arizona State University, sambært líkskeranum deyður av ‘accidental drowning’, hóast hann var fyrrverandi úrvalssvimjari har og sambært venjarum sínum “a phenomenal underwater athlete”. Les SwimmingWorld Magazine.
Og síðsta hósdag forsvann 42-ára gamli svenski films-instruktørurin Daniel Lind Lagerlöf, eftir øllum at døma tí at hann datt á sjógv og bleiv sogin burtur av streyminum við Tanumshede. Hann hevur millum annað gjørt fleiri partar av krimirøðunum Beck og Wallander, og var nú á uppgávu har úti á klettunum, at gera research til eina nýggja krimi. Løgin søga annars afturat hesum, at tá ið løgreglan leitaði eftir honum, komu tey fram á kropslutir sum tey meta vera ein brotsgerð. Les t.d. Goteborg Daily.
Continue reading Minnist til trygdina, og serliga umsjón !
Pedersen, Friis og Ottesen á skjótibreyt í Leadville
Danski bringusvimjarin Rikke Møller Pedersen tosar her við heimsmeistararnar báðar Lotte Friis og Jeanette Ottesen, á skjótibreyt í Leadville, Colorado. Síðani skjýtur Ottesen við onkrari motherf***** militér-riflu, so at hon fær tár í eyguni.
Ísland vann triðja landsdystin ímóti Føroyum
99 stig ímóti 81, tað er sami munur sum í fjør, men tó framgongd hjá okkum við tað at Ísland í fjør fekk eina liðsvimjing kolldømda. Stevnan sæst øll sum hon er á kringvarp.fo/netvarp, og hartil í bitum her á SwimmingWorld.TV. SwimmingWorld Magazine vóru skjót at leggja rósandi tíðindi um landsdystin her, og hartil síggjast splitt-tíðir og tílíkt her á LiveTiming.se.