Danir og útheimurin hava fangað tað, nú er tað bara føroyska pressan

Eitt surrealistiskt upplivilsi í morgun, at sita og chatta við føroyingar um Pál við støði í donskum miðlum. Altso ikki bara “Er tað okkurt við at Pál svimur í vikuskiftinum?”, sum tað plagar at verða tá ið føroyska pressan hevur tikið seg saman til at smekka eitt skjótt notits út, inn í millum, men við innlivilsi frá lesarum eisini uttanfyri svimjingina um væntandi niðurtrapping hjá Mads og líknandi.

3 færøske stjerner

(Mynd sum føroyavinurin René Thomsen tók av okkara garpum í Bellahøj í gjár, frá vinstru Magnus Jákupsson, Frans Johannessen og Pál Joensen. Teir hava einki við meiningunum í hesi grein at gera, men eg haldi tað er stuttligt at tað skal vera so lætt at fáa so góða mynd úr Kongens København, uttan at føroysku miðlarnir dugdu)
Continue reading Danir og útheimurin hava fangað tað, nú er tað bara føroyska pressan

Magnus víðari til hálvfinalu í 100 firvald

Magnus Jákupsson megnaði í morgun at kvalifisera seg til hálvfinalu í 100 firvald, seinnapartin, við sættbestu tíð 56.31, har føroyska metið hjá Magnusi er 56.20. Hetta var eitt nokk so fitt lop upp eftir styrkismetingarlistanum, í mun til hansara 12. pláss á startlistanum. Og til nú heldur stimin altso, at føroyingarnir konsekvent kvalifisera seg til finalur, í teimum greinum teir kappast í. Sí úrslitalista her.

Pál 1:48.98, føroyskt met og nr 1 á Danish Open 2012

Pál Joensen vann fyri løtu síðani A-finaluna í 200 metra frísvimjing á Danish Open 2012, við nýggjum føroyskum meti 1:48.98, har metið hjá honum frá donsku meistarastevnuni í 2009 var 1:50.04. Mads Glæsner varð nr 2 við 1:49.05, Daniel Skaaning nr 3 við 1:49.85 og Anders Lie 1:49.86; so nú er tað upp til teir ovastu í danska svimjisambandinum, um teir skulu sleppa at royna seg í 4×200 frí tíðtaking í morgin, har kravið annars var at tríggir skuldu undir 1:49.82.
Continue reading Pál 1:48.98, føroyskt met og nr 1 á Danish Open 2012

Magnus, Pál (og Frans) trygt í finalu aftur í dag

Aftur í dag megnaðu teir tríggir føroyingarnir á Danish Open at kvalifisera seg til finalu, Magnus Jákupsson við 59.44 og 2. plássi í 100 rygg, aftanfyri bara Aschwin Wildeboer, bronsuvinnari frá HM í Rom í 2009, Pál við 1:50.41 og bestu tíð í 200 frí, og Frans við 1:52.14 og 7. plássi eisini í 200 frí. Allir soleiðis víðari til finalur í kvøld, annan dag á rað.

Lars Sørensen eftirmetir fyrsta dag á Danish Open 2012

Danski sportschefurin er rættiliga positivur eftir hendan fyrsta dagin á úttøkustevnuni

Pál Joensen vann 400 frí á Danish Open, undir OL-kravtíð

Ja, nú er tað so heilt vist at Pál sleppur til OL í London, eftir at hann fyri løtu síðani vann finaluna í 400 metra frísvimjing, við nýggjum føroyskum meti 3:46.84. Gamla metið hjá Páli var annars 3:48.57, frá DM í 2009, og kravtíðin nú til OL 3:48.92. Mads Glæsner varð nr 2 við 3:46.93, og Frans Johannesen nr 3 við 3:56.76. Sí úrslit her.

Pál Joensen happy with his Szczecin 2011 400 freestyle