Óli Mortensen, Alvi Hjelm og Magnus Jákupsson fara nú í vikuskiftinum at kappast á Swedish Swim Games 2016, sum limir í hópunum hjá Hovedstadens Svømmeklub og Farum Svømmeklub. Startlistarnir síggjast her, har Óli m.a. verður styrkismettur til eitt bronsuheiðursmerki í 1500 metra frísvimjing, Alvi til eitt fjórðapláss í 400 blandað, og Magnus til gull í 50 og 100 rygg, umframt bronsu í 100 blandað.
Continue reading Óli, Alvi og Magnus til Swedish Swim Games 2016
Her er innbjóðing til svimjistevnu í Klaksvík, leygardagin 22. og sunnudagin 23. okteber 2016, sum Ægir skipar fyri.
Hetta er ‘opin’ stevna fyri serliga okkara eldru aldursbólkar, og fyrsta stevna har roynast kann eftir kravtíð til Oyggjaleikir á Gotlandi í 2017.
Starvsnevnd SSF hevur ásett viðfestu kravtíðir til Oyggjaleikir 2017, sum verða á Gotlandi frá 24. til 30. juni 2017. Sum nakað nýtt skulu kravtíðirnar klárast á eini av fýra útvaldum stevnum, um ikki annað er avtalað. Kravtíðirnar síggjast eisini her á ssf.fo.
Her eru myndir frá HS-stevnuni í Gundadali í dag.
Her eru úrslitalistar og -fílur frá svimjistevnuni í Gundadali, nú í vikuskiftinum, sum Havnar Svimjifelag skipaði fyri. Ein stevna har serliga Róland Toftum stóð fyri yvirskriftunum, við at seta juniormet bæði leygardag og sunnudag.
Continue reading Úrslit frá HS-stevnuni 24. – 25. september 2016
Róland Toftum úr Suðuroyar Svimjifelag setti í dag stórt nýtt føroyskt juniormet í 100 metra bringusvimjing á stuttgeil, tá ið hann á HS-stevnuni í Gundadali svam teinin uppá 1:03.43. Hann átti sjálvur føroyska juniormetið á 1:04.10, frá JM/MU í apríl mánaða, og skar soleiðis væl meira enn eitt hálvt sekund av metinum. Pál Joensen eigur føroyska metið á 1:02.80, frá tá ið hann vann silvur á Oyggjaleikum á Jersey í 2015, og fór triðjaplássið tá til manbúgvan Guy Davies á 1:03.69.
Svimjiárið 2016/2017 byrjaði av sonnum við einum braki her heima, tá ið ungi vágbingurin Róland Toftum úr Suðuroyar Svimjifelag í morgun setti stórt nýtt føroyskt juniormet, við at svimja 50 metra bringusvimjing uppá 29.00 sekund. Hetta á svimjistevnu í Gundadali sum Havnar Svimjifelag skipar fyri.
Continue reading Róland 29.00 og nýtt føroyskt juniormet í 50 bringu
Russiskir teldusníkar hava nú likið eitt fimta sett av WADA dáta, umfatandi eisini fleiri svimjarar. Í alt eru tað nú einir 107 íðkarar sum hava fingið almannakunngjørt persónligar upplýsingar, úr ítróttum sum svimjing, súkkling, kanorógving, fimleiki, vatnpolo, borðtennis, rógving, sigling, fikting, flogbólti, judo, kurvabólti, fótbólti, hockey, golf og skjóting. Sí Inside the Games
Continue reading Teldusníkar leka meira WADA data, umfatandi eisini Rikke Møller Pedersen
Update: Eitt felag manglaði á listunum, og teir eru tí skiftir út.
Havnar Svimjifelag skipar sum kunnugt fyri svimjistevnu í Svimjihøllini í Gundadali, nú í vikuskiftinum, fyri allar aldursbólkar. Her eru startlistarnir sum tekst og html, ið benda á at vit fara at síggja nakrar áhugaverdar dystir ímillum teir bestu svimjararnar, samstundis sum har eisini eru spennandi nýggj nøvn niður ígjøgnum rekkjurnar.
Tíðarætlanin er hendan:
Sí innbjóðing
Danir kunngjørdu í gjár búmerkið til EvropaMeistarastevnuna á stuttgeil 2017, sum verður í nýggju multihøllini Royal Arena í Keypmannahavn, frá 13. til 17. desember 2017.
