Alvi Hjelm royndi seg nú í morgun í innleiðandi 400 metra blandaðari svimjing á Mare Nostrum stevnuni í Canet-en-Roussillon, og varð har nummar 13 við tíðini 4:38.83. Hetta er fimtbesta tíðin hjá Alva í ár, har hansara ársbesta tíð er 4:35.80 frá Danish Open í apríl mánaða. Portugisiski Alexis-Manacas Santos var við 4:26.02 skjótastur í innleiðandi riðlunum, meðan kinesiski Yutian Wang við 4:33.66 var spakuligastur av teimum som sluppu í A-finaluna. Sí úrslitalistan her.
Óli 3:59.59 í 400 frí á Mare Nostrum í Canet
Óli Mortensen royndi seg nú í morgun í innleiðandi 400 metra frísvimjing á Mare Nostrum stevnuni í Canet-en-Roussillon, og varð har nummar 12 við tíðini 3:59.59. Hetta er triðbesta tíðin hjá Óla í ár, í mun til 3:57.71 á Danish Open í apríl og 3:59.08 á Mare Nostrum stevnuni í Barcelona. Norski Henrik Christiansen var við 3:52.69 skjótastur í innleiðandi, meðan maleisiski Wee Sheng Welson Sim við 3:57.32 var spakuligastur av teimum sum sluppu í A-finaluna. Sí úrslitalistan her.
Óli og Alvi á Mare Nostrum stevnu í Canet
Teir báðir Óli Mortensen og Alvi Hjelm fara nú leygardagin og sunnudagin at royna seg á Mare Nostrum stevnuni í Canet-en-Roussillon, sum er síðsta stevna í Mare Nostrum røðini hesuferð.
Óli og Magnus millum favorittarnar á DM 2017
Danska svimjisambandið skipar fyrst í juli fyri DM á langgeil, har eisini føroyskir svimjarar fara at royna seg. Serliga Óli Mortensen liggur til at vinna heiðursmerkir, við bestu tilmeldingartíð í 800 og 1500 frí, umframt at Magnus Jákupsson hevur bestu tilmeldingartíð í 50 rygg.
Continue reading Óli og Magnus millum favorittarnar á DM 2017
Alvi 4:35.85 og nr 3 í B-finaluni í Barcelona
Alvi Hjelm royndi seg nú fyri løtu síðani í B-finaluni í 400 metra blandaðari svimjing á Mare Nostrum stevnuni 2017 í Barcelona, og varð har triðskjótastur av teimum átta luttakandi, við tíðini 3:35.85 sum er eitt vet frá hansara ársbestu tíð á 3:35.80, frá Danish Open í apríl mánaða.
Continue reading Alvi 4:35.85 og nr 3 í B-finaluni í Barcelona
Alvi 4:40.49 og í finalu á Mare Nostrum 2017 í Barcelona
Tey eru nú um at verða liðug við næsta sett av innleiðandi riðlum á Mare Nostrum stevnuni í Barcelona, har eisini teir báðir føroyingarnir Óli Mortensen og Alvi Hjelm royna seg. Og aftur í dag gekk tað útmerkað, við tað at Alvi megnaði at svimja seg til B-finalu.
Continue reading Alvi 4:40.49 og í finalu á Mare Nostrum 2017 í Barcelona
Óli 4:00.70 og nr 6 í B-finalu á Mare Nostrum 2017 í Barcelona
Óli Mortensen luttók fyri løtu síðani í B-finaluni í 400 metra frísvimjing á Mare Nostrum stevnuni í Barcelona, og varð har nr 6 við tíðini 4:00.70. Sí úrslitalistan her. Í morgun svam hann 3:59.08, og var hetta nú sostatt eitt vet spakuligari enn tá.
- Splitt-tíðir í morgun: 28.15 – 57.95 – 1:28.12 – 1:58.30 – 2:28.65 – 2:59.03 – 3:29.74 – 3:59.08
- Splitt-tíðir seinnapartin: 28.16 – 57.95 – 1:28.05 – 1:58.61 – 2:29.21 – 3:00.04 – 3:30.81 – 4:00.70
Óli 3:59.08 og í finalu á Mare Nostrum 2017 í Barcelona
Tey hava nú avgreitt fyrsta stevnupart á Mare Nostrum stevnuni 2017 í Barcelona, har eisini teir báðir Óli Mortensen og Alvi Hjelm royndu seg. Og tað gekk útmerkað, við tað at vit við Óla aftur í ár fingu ein føroying víðari til finalurnar seinnapartin.
Continue reading Óli 3:59.08 og í finalu á Mare Nostrum 2017 í Barcelona
Eyka úttøka til HM 2017 í Budapest
Starvsnevnd SSF hevur avgjørt at taka út fylgjandi svimjarar eyka til HM í Budapest 2017:
- Sára Ryggshamar Nysted (2001), Suðuroyar Svimjifelag
- Róland Toftum (1998), Suðuroyar Svimjifelag
Hesi koma afturat teimum báðum longu úttiknu til HM 2017:
- Óli Mortensen (1996), Havnar Svimjifelag
- Signhild Joensen (2000), Ægir
Ferðaleiðari verður Anita Ryggshamar Nysted, og venjarar Øyvind Røsland og Juan Jaime Arroyo Toledo
Ættarliðsskifti á Oyggjaleikum
Fyriskipararnir av Oyggjaleikum 2017 hava nú lagt út úrslitasíðuna fyri leikirnar, har vit millum annað síggja eitt rættiliga stórt ættarliðsskifti í svimjing. Éitt er, at okkara egni Pál Joensen ikki luttekur, men hartil mangla nógvir aðrir av teimum til nú stóru profilunum, sum til dømis Fraser-beiggjarnir av Cayman, Ian Black av Jersey, Andrea Strachan úr Hetlandi og Charlotte Atkinson av Isle of Man.