Kári luttók í teimum innleiðandi riðlunum í 100 blandað í morgun. Tíðin hjá honum varð 1:03.40. Tilmeldingartíðin hjá Kára var 1:02.01. Kári lá væl fyri í sínum riðli og vendi sum nr 2 aftaná rygg svimjingini við tíðini 27.76 bara 5/100 sek aftanfyri Marcus Bak úr Allerød, men dragnaði síðani afturum hinar mótir endanum.
Category: Kapping
Innbjóðing til Suðuroyar Sparikassa stevna í Vági
Suðuroyar Sparikassa – stevna í Vági t. 1.-2. nov. 2008
Suðuroyar Svimjifelag
Kappingin verður svomin sum ein opin kapping.
Krav fyri at verða við, er at ein svimjari yngri enn junior skal hava svomið seg til heiðursmerki til seinasta SUM. (liðsvimjingar telja ikki við) Vónandi skilja tykur at okur fáa stórar trupuleikar við at koyra alt ígjøgnum um øll koma við. (3. pláss til SUM’2008 er kravtíð)
Continue reading Innbjóðing til Suðuroyar Sparikassa stevna í Vági
Elspa setti met við West Swim í 4 x 50 blandað
Eisini tilfar á flot.info
Ífall at onkur ikki hevur fingid tað við, so bloggi eg hesuferð mest á heimasíðuni hjá FLOT, um kappingina í Køge. Havi júst funnið staðfest at her er frítt internet í høllini, og hetta verður tí skrivað ‘live’ av balkongini í Køge.
Draktin skrædnaði hjá Kára
Óhepnið var eftir Kára í kvøld, tá ið hann skuldi svimja hálvfinalu í 100 rygg. Spildurnýggja draktin skrædnaði, so at vatn fyltist í hana; og hann svam tí ‘bara’ teinin við tíðini 59.32, har hann í innleiðandi í morgun svam 58.48. Teir 59 rukku bara til eitt tólvtapláss, og Kári kom tí ikki í finaluna.
Jón Hestoy vil vera SSF forseti
Tað er nú greitt at Jón Hestoy stillar upp at verða formaður í Svimjisambandi Føroya, á aðalfundinum í morgin. Sí t.d sportal.fo. Sum kunnugt leggur Palli Ziskason frá sær, og Jón er tí rættiliga tryggur at verða formaður, um ikki onkur annar stillar upp á sjálvum fundinum.
Mona setti met í 1500 frí
Sum tit kunnu lesa her á susvim.com, so betraði Mona Simonsen í dag um føroyska metið í 1500 frí við ikki færri enn 20 sekundum, nú hon á Danmarks Mesterskaberne på Kortbane svam teinin í tíðini 17:23.25. Hendan tíðin rakk til eitt sjeyndapláss í kappingini við danir.
Hildur og Astrid vunnu ávikavist silvur og bronsa
Hildur á Fløtti (FS) og Astrid Foldarskarð (FLOT) vunnu silvur og bronsa í 100 blandað í bólkinum fyri 14-15 ár. Astrid og Hildur svumu í sama riðli. Astrid vendi fyrst aftaná 50m (34.59), men Hildur hevði ein góðan endaspurt.
Poula Ø. Mohr (FS) og Birita Debes (FLOT) blivu nr 4 og 11 í sínum bólki (12-13 ár).
Continue reading Hildur og Astrid vunnu ávikavist silvur og bronsa
Elspa vann silvur í 200 frí
Elspa Mørkøre vann silvur í 200 frí við tíðini 2:00.53. Hon hevur harvið kvalifiserað seg til EM í desember, siga tey úr Danmark. Vinnarin, Lotte Friis, kom í mál við tíðini 1:58.19. Elspa lá annars nr 4 aftaná 50 m, men tók seg framm sum nr 3 eftir 100 m og vendi sum nr 2 aftaná 150 m.
Pál vann silvur í 200 frí og nýtt junior met
Mads Glæsner vann gull í 200 frí. Mads førdi frá byrjan til mál við Pál undir liðini allan vegin. Vinnaratíðin hjá Mads Glæsner var 1:45.55, sum er nýtt danskt senior met [Jón viðmerkti hósdagin at Mads setti nýtt met í 4×200 við tíðini 1:45.53]. Pál setti nýtt danskt/føroyskt/persónligt/Suðuroyar/evropeiskt? junior met við tíðini 1:47.13. Kappingin um 3. plássið var tøtt millum Johan Peen (Birkerød), Frederik Siem (Farum) og gamli junior met haldarin Jon Rud (West Swim). Aftaná 50 m lá Johan nr 3, men so vendi Frederik sum nr 3 við 100 inntil Jon Rud tók yvir 3. plássið tær seinastu 50-100 m.
(Myndin er av Páli, Mads Glæsner, Frederik Siem og Jon Rud, sum Jón Bjarnason tók fyrr í ár)