Havnar Svimjifelag skipar nú hósdagin hin 21. desember 2017 fyri sokallaðu “SMS Xmas Jólasprint kappingini”, sum er árlig svimjistevna beint upp undir jól, við ‘dunnustafett’ sum eina av høvuðsattraktiónunum.
Tað er har 6 svimjarar úr hvørjum felag luttaka, við 2 mannligum og 2 kvinnuligum svimjarum, umframt 1 venjara og 1 leiðara.
Sí innbjóðingina: sms-xmas-jolasprint-2017-innbjoding.pdf
Tann sum heldur tað, veit lítið um svimjing 😉
Evropeiska svimjisambandið LEN kunngjørdi nú á innleiðandi tíðindafundi áðrenn EM á stuttgeil 2017, at har verður stroyming frá stevnuni. Eg spurdi eitt sindur nærri, og skilji at tað er á hesari rásini á Dailymotion, sum eisini er at finna umvegis heimasíðuna hjá LEN, www.len.eu
Her er leinki til ‘live timing‘ og úrslit frá EM á stuttgeil 2017, sum verður í Royal Arena í Keypmannahavn nú mikudag 13. til og við sunnudag 17. desember.
Í morgin byrjar sjálv svimjistevnan á EvropaMeistarastevnuni á stuttgeil 2017, sum danir saman við LEN skipa fyri í Royal Arena í Keypmannahavn. Føroyski hópurin er komin upp á pláss, og er farin undir síðstu fyrireikingar.
Her eru nakrar myndir frá fyrstu venjing hjá okkum í EM-hylinum í gjár …
Óli Mortensen snøgt sagt ‘kom, sá og sigraði’, tá ið hann í síðstu viku luttók á Norðurlendsku Meistarastevnuni 2017. Hóast hann luttók bara í éinari kapping, og vegna tíðarneyð mátti skera av ferðini í báðum endum, so endaði tann luttøkan við at verða greitt besta avrik av øllum, á hesum NM/NJM.
Góð video her
Evropeiska svimjisambandið LEN skrivar her um tilgongdina at gera nýggja Royal Arena í Keypmannahavn klára til EM á stuttgeil 2017, at tey nú hava fylt hylin við teimum neyðugu tveimum milliónum litrum av vatni.
Tey verða 548 svimjarar sum fara at luttaka á hesum EM, har vertstjóðin Danmark hevur størsta hópin á 38 svimjarar, og Italia hin næststørsta við 36 svimjarum. Sí startlistarnar her á len.eu
Sí eisini euroswim2017.com og facebook.com/euroswim2017
Signhild Joensen megnaði í gjárkvøldið at gerast norðurlendskur meistari í 200 ryggsvimjing, samstundis sum hon við tíðini 2:09.32 setti stórt nýtt føroyskt met og juniormet. Sí úrslitalistan her
Signhild átti sjálv metini á 2:10.11, frá FM á stuttgeil í mars 2017, og er harvið eisini fyrsta føroyska kvinna undir 2:10 í 200 metra ryggsvimjing.
Vár Erlingsdóttir Eidesgaard megnaði í gjár at seta nýtt føroyskt met og juniormet í 200 metra frísvimjing, tá ið hon sum fyrsti svimjari í 4×200 frí liðsvimjingini hjá føroyingum svam teinin uppá 2:02.18. Sára Ryggshamar Nysted átti metini á 2:02.60, frá Oyggjaleikum á Jersey í 2015. Sí úrslitalistan her.
