Jón Hofgaard 1:06.50 og juniormet í 100 bringu

Jón Hofgaard úr Suðuroyar Svimjifelag tók góð 2 sekund av síni bestu tíð í 100 bringu, tá ið hann á landsdystinum ímóti Íslandi í kvøld svam 1:06.50, har hann í september megnaði at svimja 1:08.53. Hetta er væl og virðiliga nýtt juniormet, har juniormetið hjá Páli Joensen frá november mánaða í 2008 var 1:07.20, og væl á veg til at taka føroyska metið hjá Páli eisini, á 1:05.50 frá Oyggjaleikum á Álandi í 2009.