Tag: Ísland-Føroyar 2010

Tíðindaskriv frá Svimjisambandi Føroya

Ísland vann landsdystin ímóti Føroyum

Tað gjørdist ein rættiliga greiður sigur til íslendingar í ár, tá ið landsdystur var í Laugardalslaug svimjihøllini í Reykjavík, leygardagin, millum Føroyar og Ísland. 98 stig ímoti 80, har føroyingar í fjør vunnu við 101 stigum ímóti 79, men tó á ongan hátt so at føroyingar nú smokkaðu niður í millum. Magnus Jákupsson og Birita Debes settu føroysk met og juniormet í ávíkavist 50 firvald og 100 rygg, og Astrið Foldarskarð og Jón Hofgaard settu hartil juniormet í 50 firvald og 100 metra bringusvimjing.

Continue reading Føroysku svimjararnir stóðu seg væl í Íslandi

Jón Hofgaard úr Suðuroyar Svimjifelag tók góð 2 sekund av síni bestu tíð í 100 bringu, tá ið hann á landsdystinum ímóti Íslandi í kvøld svam 1:06.50, har hann í september megnaði at svimja 1:08.53. Hetta er væl og virðiliga nýtt juniormet, har juniormetið hjá Páli Joensen frá november mánaða í 2008 var 1:07.20, og væl á veg til at taka føroyska metið hjá Páli eisini, á 1:05.50 frá Oyggjaleikum á Álandi í 2009.

Astrið Foldarskarð úr FLOT legði hart út fyri Føroyar, tá ið hon í fyrstu kapping á landsdystinum svam 29.63 29.61 í 50 firvald, sum er nýtt føroyskt juniormet, har juniormetið hjá henni frá FM í mai mánaða var 30.05. Gott at koma undir 30, og eitt fitt petti nærri at føroyska metinum hjá Shailu millum Garðarnar á 29.11.

Jon Hestoy megnaði onkunsvegna at fáa fatur á mikrofonina hjá SportTV.is, og gjørdi so hesar samrøður beinleiðis úr Laugardalslaug svimjihøllini í Reykjavík. Offrini eru Birita Debes úr FLOT og Jón Hofgaard úr Suðuroyar Svimjifelag.

Ísland vann landsdystin móti Føroyum í Reykjavík, við 98 stigum ímóti 80. Hetta varð sum væntað ein rættiliga greiður sigur til teirra, um enn ikki heilt so greiður sum tá ið vit í fjør vunnu við 101 stigum ímóti 79 (ið sostatt enn er landsdystarmet 🙂
Continue reading Íslendarar vunnu landsdystin ímóti Føroyum

Birita Debes vann fyri løtu síðani 100 rygg á landsdystinum ímóti Íslandi í Reykjavík, við tíðini 1:03.15. Hetta er nýtt føroyskt met, har Elspa Mørkøre átti tað gamla á 1:03.78 frá Thisted Cup í 2007. Og tað er sjálvsagt juniormet eisini, við tað at Birita er juniorur í ár og næsta ár.

Magnus Jákupsson úr Havnar Svimjifelag svam seg fyri løtu síðani sum fyrsti føroyingur nakrantíð undir 25 sekund í 50 metra firvald, tá ið hann á landsdystinum millum Ísland og Føroyar í Reykjavík svam teinin á stuttgeil uppá 24.95 sekund. Einastandandi úrslit hjá unga havnarmanninum, sum ikki enn hevur veruligan junioraldur, men sum tó so setur bæði seniormet og juniormet.

Jon Hestoy heilsar úr Íslandi: “Vit eru komin fram í øllum góðum, hava verið til fyrstu venjing. Væl móttikin og spent til svimjingina í morgin. Ein venjing hvønn dag verður í langhyli uttandura og ein í stutthyli innandura.”

Hetta frætta vit úr Íslandi beint nú, at fyriskipararnir har yvir ætla at vísa landsdystin millum Ísland og Føroyar beinleiðis á www.sporttv.is, frá klokkan 16:00 til 18:00 íslendska tíð, sum er frá klokkan 17:00 til 19:00 í Føroyum.

Síggi her á sundsamband.is, at tey hava valt út nakrar av sínum allarbestu svimjarum, til landsdystin ímóti Føroyum í morgin. Jakob Jóhann Sveinsson er har, sum smyr okkum av í bringusvimjing, umframt Hrafnhildur Lúthersdóttur sum á Small States stevnuni í summar svam líka skjótt 400 metrar blandað, sum føroyska metið í 4×100 metra blandað liðsvimjing var inntil tá. Umframt ein rúgva av øðrum krútsterkum svimjarum …

Continue reading Íslendska liðið er krútsterkt