Venjingartilmæli SSF í sambandi við Corona dagført (aftur)

SSF avtalaði nú hósdagin hin 14. mai við corona-ráðgevingina, at vit strika tilmælið um at hava minst 4 metrar millum hvønn svimjara sum svimja á rað, fyri heldur at halda okkum til almenna tilmælið um at hava, í hesum føri, minst 2 metrar millum fólk sum íðka ítrótt.

Photo by Jele boscan from PxHere
Continue reading Venjingartilmæli SSF í sambandi við Corona dagført (aftur)

Nú sleppa summir danskir svimjarar aftur í hylin

41 danskir úrvalssvimjarar hava nú fingið grønt ljós frá myndugleikum til at kunna fara aftur til sínar vanligu venjingarumstøður, aftaná at tað annars síðsta hósdag varð kunngjørt at svimjing mátti bíða til ‘fasu 4’ í august. Danska svimjisambandið er sum so ikki nøgt við støðuna, men tekur hetta sum eina jaliga byrjan uppá upplating av eisini donskum svimjihallum. Tey 41 eru ‘Team Danmark góðkendir íðkarar’, vælsagtans nakað líkt okkara úrvalsskipan.

Venjingartilmæli SSF í sambandi við Corona dagført

Her er dagførd útgáva av venjingartilmæli SSF í sambandi við Corona, nú almennu tilmælini síðani hin 30. apríl loyva upp til 50 fólkum at savnast saman, soleiðis sum vit nú eisini síggja fleiri svimjihallir gera. Dagføringin er gjørd í samráð við feløgini og við corona-ráðgevingina, har vit loyvdu okkum at rudda eitt sindur í orðingum eisini.

  • Vit fylgja øllum almennum tilmælum, sí https://corona.fo/tilmaeli
  • Tað eru altíð tey somu sum venja í senn, og ongantíð fleiri enn tilmælt
  • Kravda frástøða skal haldast av øllum allastaðni, so sum í móttøkuni, í umklæðingini, undir brúsuni, á kantinum og í hylinum
  • Um svimjarar svimja aftaná hvørjum øðrum, so eigur frástøðan at vera minst 4 metrar millum hvønn svimjara, tann vegin sum tey svimja
  • Øll halda seg til at nýta einans persónliga útgerð, og lána ongum sítt, so sum t.d. svimjibrillur, fitjur, snorkil, plátur, vatnfløskur, hettur, stopp-ur og klæðir
  • Alt persónligt skal goymast við greiðari frástøðu til tað hjá øðrum, so sum í persónligari tasku ella í persónligum skápi
  • Hitarúm og líknandi verður ikki brúkt
  • Um sjúkueyðkenni eru, ið benda á coronavirus, so sum hosti ella fepur, so skal viðkomandi verða heima og testast áðrenn hann/hon kann møta til venjing aftur 
  • Svimjararnir skulu fáa greið boð um hesar venjingarreglur, áðrenn fyrstu venjing
  • Øll uppmøting skal skrásetast neyvt, so at til ber at síggja hvør ið møtti nær

Vegna Svimjisamband Føroya

Rókur í Jákupsstovu, formaður

Photo by Jele boscan from PxHere

Eitt dømi um svimjivenjing í coronatíð

Her er ein skjót gjøgnumgongd av venjingartilmælinum sum Svimjisamband Føroya hevur gjørt saman við føroysku svimjifeløgunum og í samráð við corona-ráðgevingina, til at umganga coronasmittu í svimjivenjing. Við rundvísing av hvussu tað verður gjørt í praksis hjá Svimjifelagnum FLOT á Toftum.

Venjingartilmæli SSF í sambandi við Corona

Gev gætur – Nýggj og dagførd útgáva finst her

Her eru tilmæli SSF til, hvussu svimjingvenjing eigur at ganga fyri seg, nú meðan strang tilmæli enn eru til at umganga corona-smittu.

Tilmælini eru gjørd út í frá uppskotum frá svimjifeløgum okkara, og í samráð við nýggju corona-ráðgevingina.

  • Í mesta lagi 10 eiga at vera til eina venjing í senn
  • Tað eru altíð somu bólkar sum venja í senn
  • Frástøða á minst 2 metrar eigur at haldast av øllum allastaðni, so sum í móttøkuni, í umklæðingini, undir brúsuni, á kantinum og í hylinum
  • Um svimjarar svimja aftaná hvørjum øðrum, so eigur frástøðan at vera minst 4 metrar millum hvønn svimjara, tann vegin sum tey svimja
  • Øll halda seg til at nýta einans persónliga útgerð, og lána ongum sítt, so sum t.d. svimjibrillur, fitjur, snorkil, plátur, vatnfløskur, hettur, stopp-ur og klæðir
  • Alt persónligt verður goymt við somu frástøðu á minst 2 metrum, og gjarna í persónligari tasku ella í persónligum skápi
  • Hitarúm og líknandi verður ikki brúkt
  • Følir svimjarin seg sjúkan, skal hann/hon verða heima
  • Hevur svimjarin fepur ella turran hosta (sjúkuteknin uppá COVID-19), skal svimjarin testast áðrenn hann/hon kann venja aftur
  • Svimjararnir eiga at fáa greið boð um hesar venjingarreglur, áðrenn fyrstu venjing
  • Øll uppmøting eigur at skrásetast neyvt, so at til ber at síggja hvør ið møtti nær

Reingerð, reinføri og avspritting fellur uttanfyri sjálvi venjingartilmælini, men eigur sjálvsagt at verða sambært galdandi forskriftum frá myndugleikum.

Tilmæli til kappingar koma seinni – her nú fyrst hava vit miðsavnað okkum um, at fáa hetta til venjingina avgreitt, so at svimjararnir kunnu koma í gongd aftur.

Vegna Svimjisamband Føroya

Rókur

PS. Um tað nú í praksis vísir seg at vera okkurt sum er óheppið ella ógreitt í hesum tilmæli, vinarliga fráboðið tað so til mín, við at senda ein teldupost til rokur (kurla) ssf.fo

Sí eisini skjalið sum samtykt:

Photo by Jele boscan from PxHere

Nú fara vit so smátt í gongd aftur

Starvsnevnd SSF fundaðist í dag við formenn og -kvinnur í føroysku svimjifeløgunum, í forleingilsi av góðu tíðindunum frá Løgmanni mikudagin, at Føroyar lata varisliga upp aftur, íroknað at vit frá 9. mai fara at vónandi kunna hava ítróttarkappingar aftur.

Continue reading Nú fara vit so smátt í gongd aftur

Dansk Svømmeunion sendir NTC-svimjararnar heim

Lesið her á svoem.org – Danska svimjisambandið velur nú at avlýsa alt virksemi á ‘det Nationale Trænings Center’ í 14 dagar, og heitir á øll svimjifeløgini í landinum um at gera tað sama.

I kølvandet af statsminister Mette Frederiksens pressemøde onsdag aften har den sportslige ledelse i Dansk Svømmeunion besluttet, at NTC-relaterede aktiviteter aflyses de næste 14 dage.

– Statsministerens opfordring og henstilling tager vi meget alvorligt, og vi har derfor valgt, at NTC-svømmerne og trænerstaben omkring holdet ikke samles i den kommende periode, siger sportschef i Dansk Svømmeunion Lars Green Bach.

Sportschefen opfordrer i forlængelse heraf, landets svømmeklubber til at gøre det samme de næste 14 dage og ellers rette sig efter myndighedernes anbefalinger og statements.

Væleydnað talentlega í Klaksvík 21. – 22. februar 2020

Svimjisamband Føroya skipaði í vikuskiftinum fyri talentvenjingarlegu í Klaksvík, saman við vertsfelagnum Ægir og øðrum góðum kreftum. Tíverri sluppu suðuroyingar ikki norður vegna veður – Men fyri hini vórðu hetta 24 fokuseraðir tímar við tættpakkaðari skrá, sum tey tóku ímóti við eldhuga, góðum innsatsi og jaligum hugburði.

Continue reading Væleydnað talentlega í Klaksvík 21. – 22. februar 2020

Danska NTC umskipað til samstarv við A6 og Herlev Svømning

Danska svimjisambandið fráboðaði nú fyrrapartin at tey hava gjørt samstarvsavtalu við svimjifeløgini A6 og Herlev Svømning, um virksemið hjá ‘det Nationale Træningscenter’ (NTC) fram til Olympisku Leikir 2020 í Tokyo.

Continue reading Danska NTC umskipað til samstarv við A6 og Herlev Svømning