Føroyskir svimjarar megnaðu í vikuskiftinum at vinna heiðursmerki á norðurlendsku meistarastevnuni fyri masters, Nordic Open Masters 2023. Sí úrslitalistarnar her
Heiðursmerki til føroyingar á NOM 2023
Category: Masters
Føroysk luttøka á Nordic Open Masters 2023 í Keypmannahavn
Hetta vikuskiftið luttekur Andrass Thomsen úr Havnar Svimjifelag á Nordic Open Masters 2023, sum danska svimjisambandið skipar fyri í Bellahøj Svømmestadion í Keypmannahavn. Í øllum førum ein annar føroyingar luttekur eisini – nevniliga Emma Festirstein Nyström, sum hevur sínar røtur í Havnar Svimjifelag, men sum her umboðar danska felagið KU Svømning og Vandpolo.
Úrslit frá Nordic Open Masters 2022
Her eru úrslitini frá svimjistevnuni Nordic Open Masters 2022, sum Svimjisamband Føroya skipaði fyri í Svimjihøllini í Gundadali, nú fríggjadagin 30. september og leygardagin 1. oktober 2022. Úrslitini finnast eisini her á livetiming.se
Luttakaralisti til Nordic Open Masters 2022
Her eru luttakaralistarnir til Nordic Open Masters 2022, sum Svimjisamband Føroya skipar fyri í Svimjihøllini í Gundadali, fríggjakvøldið hin 30. september og leygardagin hin 1. oktober 2022. Luttakaralistarnir finnast eisini her á livetiming.se
Innbjóðing til Nordic Open Masters 2022
Her er innbjóðingin til Nordic Open Masters 2022, sum verður í Svimjihøllini í Gundadali, fríggjadagin hin 30. september og leygardagin hin 1. oktober 2022.
Við svimjikvøðu
Rókur
HM fyri Masters verður í Fukuoka í august 2023
Altjóða svimjisambandið FINA kunngjørdi í gjár, at HeimsMeistarastevnan fyri Masters er útsett til hin 2. til 11. august 2023, sum upprunaliga skuldi verða hin 31. mai til 9. juni 2022. Í báðum førum í Fukuoka í Japan, í forleingilsi av HeimsMeistarastevnuni á sama stað.
EM fyri Masters avlýst
LEN hevur nú alment kunngjørt, at ætlaða EM fyri Masters er avlýst, sum annars skuldi vera í forleingilsi av EM nú í mai mánaða. Avlýsingin er vegna støðuna við korona, har tey umhugsaðu eisini at útseta hetta EM fyri masters til í august mánaða, men so endaðu við at velja hin møguleikan, sum var at avlýsa hesa stevnu.
Tað sum ger EM fyri Masters enn meira avbjóðandi enn t.d. vanliga EM, er at tað til EM fyri Masters eru vanliga nógv fleiri luttakarar, sum enntá í stóran mun koma til sum einstaklingar, heldur enn sum partur av einum størri liði. Ungarsku fyriskipararnir mettu tað ómøguligt at skipa hetta korona-trygt, og varð tað tí avlýst.
EM í svimjing er tó enn á skránni, at verða í Budapest hin 10. til 23. mai 2021.
Eingin Nordic Open Masters stevna í 2020
Norðurlendsku svimjisambondini hava nú tikið ta tungu avgerð at avlýsa ella útseta næstkomandi Nordic Open Masters, ið sum kunnugt skuldi verða í Tórshavn hin 2. til 4. oktober í ár.
Nordic Open Masters í Tórshavn hin 2. til 4. oktober 2020
Fyrireikingarnar eru longu væl í gongd til Nordic Open Masters 2020, sum verður í Svimjihøllini í Gundadali hin 2. til 4. oktober 2020.
Formliga innbjóðingin verður klár í januar, við møguleika at bíleggja sær innivist og máltíðir og so framvegis.
Vit vænta í minsta lagi 300 svimjarar sum tá ið hendan sama stevna var í Havn í 2015, og vita at tey í Vantaa í Finnlandi í ár vóru yvir 600.
Sí stevnusíðuna ssf.fo/nordic-open-masters-2020/
Her niðanfyri eru nakrar útvaldar myndir frá stevnuni í Havn í 2015
Innbjóðing til Nordic Open Masters 2017
Danir bjóða í viðfestu innbjóðing til Nordic Open Masters, at vera í Vesterbro Svømmehal hin 6. og 7. oktober 2017. Talan er um svimjistevnu á stuttgeil, við aldursbólkum frá 25-29 og upp til 95-99 ár, umframt liðsvimjingum. Veitsla verður í Frederiksberg-hallerne aftná svimjistevnuna, leygarkvøldið hin 7. oktober. Tilmeldingarnar skulu vera inni hin 9. september.
- Innbjóðing: invitation ver. 1.4
- Rokniark til luttøkugjald: Entries and Dinner