‘Turrasta svimjifelag í landinum’ stovnaði herfyri ein áhugabólk á Facebook, undir yvirskriftini “Svimjihyl í Runavík innan 2015“. Limatalið veksur stútt, frá umleið 40 í gjár til eini 160 beint nú, umfatandi eina rúgvu av teimum fremstu innan føroyska svimjing og føroyskan ítrótt sum heild. Um nakar ivast í hvat “Turrasta svimjifelag” er fyri nakað, so er talan um Svimjifelagið Neptun í Runavík, sum varð stovnað í 1963, við endamálinum at fáa ein svimjihyl til økið. Í dag er støðan í Runavík tó ikki betri, enn at lítli læruhylurin í Søldarfirði sambært álítandi keldum er fyltur við stólum.