Tag: DÅM 2009

Rúni kom framvið við nøkrum myndum her í áðni, sum eg tí skundi mær at leggja upp á Flickr.

Tíðindaskriv frá Svimjisambandinum um DÅM 2009

22 føroyskir svimjarar luttóku her um vikuskiftið á Dansk ÅrgangsMesterskab 2009, sum er danska meistarastevnan fyri svimjarar yngri enn juniorar og seniorar. Ein eitt sindur serlig stevna, við tað at danir forbjóða øllum ‘superdraktum’ á stevnuni, og vit tí uppá gott og ónt kundu fáa staðfest, hvussu okkara yngstu klára seg uttan hesar serligu draktir, í kapping móti javngomlum dønum.

Continue reading 11 heiðursmerkjapláss til danska meistarakapping

Poula Ø. Mohr úr FS fekk við 1:00:73 triðbestu tíð av øllum gentum á DÅM í árgangi 1995, sum hartil var fínt upp ímóti hennara bestu tíð á 1:00.15. Magnus Jákupsson úr HS gjørdi eitt ordans hál í 400 blandað, við at betra seg frá 4:58.89 til 4:53.65, og harvið frá einum mettum sættaplássi til at gerast nr 2 av øllum dreingjum árgang 1994. Birita Debes úr FLOT betraði seg eitt hálvt sekund ella so í 100 frí. Og Tanja Skaalum svam 100 firvald uppá 1:25.31, har hennara besta tíð annars var 1:28.01.
Continue reading Poula og Magnus heintaðu síðstu topp plaseringar

Tey trý hava til nú bjargað tilsamans 7 av okkara 9 plaseringum í topp-3 á DÅM 2009, í harðari kapping við danir. Flestu føroyingar havað betrað seg í onkrum; men tað er týðiligt at danir eru væl niðurtrappaðir til hesa stevnu. Hartil er Eyðbjørn opinbart sjúkur, og tað er kanska eisini tí gingið eitt sindur eftir hæli hjá okkum, í mun til styrkismetingina áðrenn.
Continue reading Tanja, Magnus og Eyðbjørn verja borg

Úrslitini hava verið eitt sindur skiftandi í dag, hjá føroyingunum á donsku meistarastevnuni fyri yngri aldursbólkar. Tanja Skaalum úr SuSvim koyrir á og betrar seg í øllum, og Magnus Jákupsson er eisini heilt væl fyri, meðan Eyðbjørn Joensen stríðist við sjúku, og onnur av einhvørjari orsøk eisini hava ilt við at liva upp til sínar bestu tíðir.

Continue reading Gongur upp og niður hjá føroyingunum á DÅM

Danske ÅrgangsMesterskaber er ein áhugaverdur møguleiki at síggja, hvat ið ungu svimjararnir duga til uttan superdraktir, við tað at danir beinleiðis forbjóða Speedo LZR og líknandi draktum, á hesi stevnu. Og fyribils hava føroyingarnir so ikki dumpað, við tað at tey sum heild svomu upp í móti sínum bestu tíðum, og í fleiri førum svumu klárt skjótari.
Continue reading OK úrslit hjá føroyingunum, fyrsta kvøld á DÅM

Danska Meistarastevnan fyri yngri aldursbólkar er nú byrjað, við luttøku frá eisini 22 føroyingum. Eg havi sett www.svimjing.com/live upp til at vísa ‘live timing’ frá bæði Haderslev og Kolding í senn, umframt hatta har Kyte, so at vit kunnu chatta og (kanska) síggja okkurt videobrot úr Danmark.

Tíðindaskriv frá Svimjisambandi Føroya

Komandi vikuskifti fara 22 føroyskir svimjarar til Danmarkar at kappast á Danske ÅrgangsMesterskaber, sum er danska meistarastevnan fyri svimjarar yngri enn juniorar og seniorar. Tað vil siga gentur upp til umleið 13 ár, og dreingir upp til umleið 15 ár.

Continue reading Føroyskir svimjarar væl fyri til Danskt Meistaraskap

Um góða viku byrjar Danske ÅrgangsMesterskaber 2009, við luttøku frá eisini teimum bestu bólkasvimjarunum úr Føroyum. Tað vil siga okkara yngri svimjarar, upp til umleið 13 ár hjá gentum, og 15 hjá dreingjum. Startlistarnir liggja klárir her og her á heimasíðuni hjá Danska Svimjisambandinum, umframt at kunna síggjast her og her á livetiming.se, og føroyingarnir liggja aftur í ár bara heilt væl fyri.

(Glaðir kakuvinnarar á DÅM í fjør)
Continue reading Føroyingarnir liggja væl fyri til DÅM 2009