Tag: Berlin 2014

Innslag í tíðindasendingini Degi og Viku hjá Kringvarpi Føroya hin 4. september 2014, um móttøku av Páli hin 3. september 2014, aftaná EM í Berlin. Tosað verður eisini við Pál í langhylinum sum er í um at verða liðugur í Vági. Sí kvf.fo

Fráboðan frá SSF: Móttøka fyri Páli Joensen 3. september 2014

Pál Joensen vann sum kunnugt tvey silvurheiðursmerki á EvropaMeistarastevnu í Berlin herfyri, og vilja vit tí at heiðra honum við móttøkum í Havn og í Vági.

Continue reading Vit heiðra Páli fyri brøgd hansara í Berlin

Her niðanfyri er video av finaluni í 1500 metra frísvimjing á EM í Berlin 2014, har Pál Joensen vann silvur. Norðmenn filma við vilja soleiðis, at til ber at greina teknikkin hjá so nógvum svimjarum sum gjørligt, íroknað Pál.

Her niðanfyri er video av finaluni í 1500 metra frísvimjing á EM í Berlin 2014, har Pál Joensen vann silvur. Tað er fólk hjá norska svimjisambandinum sum filmar og leggur út, sum tey plaga til at kunna greina teknikk og taktikk og so framvegis.

Innslag í ítróttarsendingini 3-2 hjá Kringvarpi Føroya hin 25. august 2014, um luttøkuna hjá Páli Joensen á EM í svimjing 2014, sum var í Berlin. Pál vann sum kunnugt 2 silvurheiðursmerki, í 800 og 1500 metra frísvimjing. Sendingin sæst her á kvf.fo.

Eitt sum vit kanska ikki hava fingið nóg væl fram her í leypi av EM í Berlin, er at Pál Joensen við sínum úrslitum har hevur kvalifiserað seg til næstkomandi HeimsMeistarastevnu á langgeil, sum verður í Kazan í Russlandi hin 2. til 9. august 2015. Eitt týðandi stig, tí at tann stevnan mest sannlíkt er besti møguleiki til at klára kravtíð til OL í Rio 2016.

Continue reading Pál klárur til HM í Kazan 2015

Føroyar komu á heiðursmerkjatalvuna á Evropeisku Meistarastevnuni í Berlin, takka verið silvurmerkini hjá Páli Joensen. Endaliga úrslitið varð, at Føroyar, við tveimum silvurmerkjum, gjørdust nr 15 av 45 luttakandi tjóðum. Stórabretland vann flest heiðursmerkir framman fyri Danmark og Ungarn. Her er endaliga støðan av svimjikappingini.
Continue reading Føroyar gjørdust nr 15 av 45 tjóðum

Pál Joensen greiðir her frá hvussu hann upplivdi finaluna í 800 metra frísvimjing á EM 2014 í Berlin, har hann vann silvur.

Pá Joensen megnaði enn eina ferð at vinna silvur í Evropeisku Meistarastevnuni í Berlin. Eins og í 1500 vann Pál silvur aftanfyri Gregorio Paltrinieri og framman fyri Gabriele Detti, ið eigur Evropeiska metið 7:42.72. Tíðin hjá Páli var 7:48.49. Norðurlenska metið hjá honum frá 2011 er 7:45.55. Paltrinieri var suverenur og førdi frá byrjan við Detti og Micka á sleip. Aftaná 400 metrum odaði Pál seg fram á 3. plássi við at svimja við javnari ferð. Hann helt ferðina, og fór framvið Detti við 700 metrum, meðan Detti fór eitt sindur niður í ferð. At tað var útselt hjá Detti sást í endaspurtinum, har Pál svam frá honum. Detti hevði einki eftir, men megnaði tó at fáa bronsuna. Soleiðis varð úrslitið:

1. Gregorio Paltrinieri (ITA) – 7:44.98
2. Pal Joensen (FAR) – 7:48.49
3. Gabriele Detti (ITA) – 7:49.35
4. Stephen Milne (GBR) – 7:50.64
5. Jan Micka (CZE) – 7:52.19
6. Gergerly Gyurta (HUN) – 7:55.47
7. Ferry Weertman (NED) – 7:55.57
8. Richard Nagy (SVK) – 7:56.28

Pál Joensen legði eitt sindur varisliga út í 1500 finaluna fyrradagin og hevði tí meira orku eftir mótir endanum enn hann plagar. Tað sæst aftur í splitttíðunum. Bæði í Budapest 2010 og Shanghai 2011 legði hann harðari út enn hann gjørdi í Berlin fyrradagin. Men í Berlin svam hann, til tíðir, skjótari splitttíðir enn hann gjørdi, tá hann setti norðurlenskt met í Shanghai.

Her eru úrslit og splitttíðir frá 1500 frí finaluni:
Continue reading Ein taktisk svomin finala