18 ára gamli Filip Nowacki av Jersey megnaði í gjár at vinna silvur í 100 metra bringusvimjing á Commonwealth Games 2026 í Glasgow, í óførum dysti við millum annað sjálvan Adam Peaty. Avstralski Sam Williamson tók gullið og Peaty mátti taka til takkar við bronsu.
Tað eru 36 ár síðani at Jersey hevur vunnið heiðursmerki í nakrari ítróttargrein á hesum leikum. Tá var tað ein skjútti sum vann í rifluskjóting.
Frá 20:05 í hesari videoini …
Eitt áhugavert innlit her, í hvussu dagurin hjá Adam Peaty var, tá ið hann nú í vikuskiftinum setti heimsmet í 100 metra bringusvimjing. Hvat hann át um morgunin, hvussu høllin í Budapest sær út, og so sjálvsagt frá sjálvari kappingini.
Bretski Adam Peaty setti í dag risa heimsmet í 100 metra bringusvimjing á langgeil, tá ið hann á bretsku meistarastevnuni í London svam teinin uppá 57.92 sekund. Tað var suðurafrikanski Cameron van der Burgh sum átti heimsmetið á 58.46 sekund, frá tá ið hann í sama hyli á OL í 2012 vann gull og síðani viðgekk at hava nýtt ólógliga nógv firvaldaspørk. Lesið t.d. her á SwimmingWorld
