Teldan stríðist í løtuni við at senda upp síðstu videoir til www.youtube.com/svimjing, og myndir eru at síggja her á Flickr. Her niðanfyri eru tað Katarina og Sára sum svimja 100 bringu …
Forvitnislig ráðstevna í Norðurlandahúsinum, mikudagin
Fólkaheilsuráðið og ÍSF skipa í felag fyri almennu ráðstevnuna “Føroyar í rørslu“, í Norðurlandahúsinum nú mikudagin 11. mars 2009 frá kl 13 til 16:30, í sambandi við at árið í ár er rørsluár. Pál Weihe kemur at greiða frá hvussu nógv føroyingar røra seg sum er, Magni Mohr fer at greiða frá nyttuni av ymiskum venjingarhættum, finski professarin Ilkka Vuori fer at greiða frá finsku royndunum at fáa politikarar at taka undir við likamsvirknisætlanum, og svenski Bengt Sevelius fer at greiða frá hvussu ítróttarfeløgini kunnu geva sítt íkast til fólkaheilsuna gjøgnum likamsvirkni. Ráðstevnan er ókeypis, men tú mást melda til áðrenn í morgin, 9. mars kl 12:00. Les meira á www.folkaheilsa.fo
Her svimur Katarina undir kravtíðina í 200 bringu
Orsaka at eg ikki fekk sjálvan startin við – stóð og prátaði, og varð so ov seinur upp á stólin …
30 heiðursmerki á Álandi?
Tað er eftirhondini púra greitt, at vit føroyingar fara at gera eitt ordans hál í svimjikappingunum á Álandi, um ikki støðið hjá hinum eisini er vaksið óvanliga nógv. Tí støðan er altso, at vit liggja til 12 gullheiðursmerki, 10 silvur og 8 bronsu, um samanborðið verður við heiðursmerkjatíðirnar á Rhodos. Harav vit tíverri mest sannlíkt bara kunnu vinna 11 av teimum 12 gullheiðursmerkjunum, av tí at bæði Shaila og Guðrun liggja til gull í 50 frí 🙂
Pauli 23.96 og føroyskt met í 50 frí
Her svimur Pauli Øssursson Mohr seg undir kravtíðina til Oyggjaleikir, og éin hundraðpart betri enn føroyska metið hjá Kristiani Olsen frá FM í 2007 …
Her svimur Guðrun seg til gullnál
Video frá teimum 50 frí hjá kvinnunum á SuSvim stevnuni í gjár. Hetta undirvatnskameraið hjá mær hevur tíverri ikki verðins bestu videogóðsku; men tað er væl betri enn einki 🙂
Danskir langteinarar svimja skjótt í løtuni
Tað er ikki so langt síðani at Mads Glæsner tók norðurlendska metið hjá Pál Joensen í 800 frí, og nú betraði Lotte Friis so eisini um sítt norðurlendska í 1500 frí, við (langbana) tíðini 16.09.10, á stevnu í Zaragoza í Spania. Og tá eru tað bara nakrir fáar dagar síðani at Pernille Larsen tók metið frá Louise Ørnstedt í 200 rygg, við at svimja 2.11.10 á langbana í Berlin.
Føroyskir svimjarar skulu sum kunnugt niður at kappast ímóti hesum dønum, á Danish Open í apríl mánaða.
Úrslit frá SuSvim stevnuni í dag
Her eru offisiellu úrslitalistarnir frá stevnuni í dag, umframt RE-fíla til hagtalsforrit. Stevnan var sum heild avbera væleydnað, við nógvum góðum tíðum ‘yvir alla linjuna’, og fleiri bæði undir og nær kravtíðum. Beint nú skulu vit fyrst og fremst satsa uppá at náa bátin heimaftur, so eg skrivi meira seinni.
Nú eru tey 10 sum hava klárað kravtíð til Oyggjaleikir
Katarina Lamhauge svam tvær ferðir undir kravtíð í morgun, tá ið hon fyrst svam 34.97 í 50 bringu, og síðani 2:42.40 í 200 bringu. Og nú seinnapartin svam Guðrun Holm Jacobsen seg til gullnál í 50 frí við tíðini 26.66, og Pauli Ø. Mohr til føroyskt met í 50 frí við tíðini 23.96. Hesi trý koma tí afturat teimum 7 sum longu hava kvalifiserað seg til Oyggjleikir, við tíðum betri enn bronsuheiðursmerki av Rhodos.
(Guðrun H. Jacobsen meðan tíðin hjá henni varð lisin upp)
Continue reading Nú eru tey 10 sum hava klárað kravtíð til Oyggjaleikir
Skráin fyri SuSvim stevnuna í dag
Um eina løtu byrjar upphitingin til hesa SuSvim stevnu, har bestu seniorar og juniorar, umframt nakrir einstakir yngri, fara at royna eftir kravtíðum til Oyggjaleikir, DÅM, HM osfr. Viðfest er skráin fyri í dag, har vit síggja fáar men góðar svimjarar í øllum kappingum.