Pál Joensen fekk silvur í Budapest og setti nýtt norðurlenskt met í 1500 frí. Tíðin hjá Pál var 14:56.90 – einans 1.73 sekund eftir fraklendingin Sebastien Rouault, ið svam 14:55.17. Italiumaðurin Samuel Pizzetti fekk bronsu við tíðini 14:59.76. Stuttbana evropameistarin Frederico Colbertaldo úr Italia gjørdist nr 4 við tíðini 15:06.92.
Stutt heilsan av Alfred Hajos
Hygga siggj, fann ein buss her a ökinum fullur vid internet-farteldum. Tastaturid er heilt örvisi enn i Föroyum, so blindskrift hjalpir litid. Og föroysku stavirnar uppgevi eg bara fullkomiliga.
Continue reading Stutt heilsan av Alfred Hajos
Kringvarp Føroya sendir eisini frá EM finaluni í 1500 frí
Frætti beint nú frá rímiliga álítandi keldu (ha ha, Jón Brian :-), at Kringvarpið eisini fer at senda frá EM finaluni í 1500 metra frísvimjing, her í Budapest. Jón Bjarnason skal vist nokk kommentera ‘live’ onkunstaðni í føroysku miðlunum, og eg sá eisini á Facebook, at sendingin Parasol í ÚF fer at siga frá kappsvimjingini. Kiksar alt hetta, so ber sum altíð til at fylgja við á Eurosport, ella at lurta eftir upptakt til U21 landsdystin millum Føroyar og Andorra á Rás2.
Pál svimur EM finalu kl 16:02 í dag
Tey eru nógv sum spyrja, og eg leggi tí hesa mynd út her, tikin beinleiðis úr skránni í mínari “Team Leader’s Guide”. Har stendur at Pál svimur kl 17:02 lokala tíð í Budapest, sum er klokkan 16:02 í Føroyum. Og tað kann man rokna við, tí tað hevur jú okkurt við sjónvarping og sjónvarpslýsingar at gera. Eurosport sendir frá øllum EM, íroknað innleiðandi riðlar.
Tessan á SVT um gullið í 50 firvald
Almenna svenska sjónvarpsrásin SVT er sum ikki eina ferð fremsti miðil í øllum Norðurlondum, tá ið tað kemur til svimjing og ítrótt yvirhøvur. Tey senda frá øllum EM, við viðmerkjarum og øllum, og við regluligum videobrotum á www.svtplay.se.
Jeanette Ottesen hugleiðir um at vinna EM silvur
Fleiri videobrot eru á svoem.dk og on-sport.dk.
Video: Pauli 50 firvald á EM í Budapest
Her er so endiliga videoin av teimum 50 metrunum firvald hjá Paula Ø. Mohr á EM í Budapest, fyrradagin. Eg havi trupulleikar við internetinum, sum blakar meg av regluliga, og tí steðgar uppsendingunum í hálvum gekki. Men í nátt riggaði tað so.
Show me the money !
Jón Bjarnason tók hesa myndina, beint eftir at eg hevði hevað 50.000 ungarskar forintar, ella umleið 800 føroyskar krónur. Myntfóturin verður styttur HUF, eftir ljóðinum á tannáringapápum tá ið teir mugu punga út.
Jon Hestoy fekk silvurnál í Budapest
Jon Hestoy fekk fyrradagin handað silvurnál frá evropeiska svimjisambandinum, á “LEN Family Dinner” her í leypi av EM í Budapest. Hetta er fyri trúgva tænastu í havsvimjingini, har hann hevur luttikið nú tilsamans sjey ferðir sum dómari, síðani hann í 1998 gjørdist “LEN Technical Open Water Swimming Committee Member”.
Her á myndini stendur Jon saman við Sven Egil Folvik aðalskrivara og Nory Kruchten forseta í LEN.
[Image courtesy of Deepbluemedia.eu/G.Scala]
Alshammar og Ottesen 1-2 í 50 firvald
Svenska Therese Alshammar vann fyri løtu síðani gull í 50 firvald á EM í Budapest, við donsku Jeanette Ottesen á øðrum plássi. Tíðirnar vóru 25.63 og 25.69, har Tessan í hálvfinaluni setti stevnumet við 25.50. Svenska Sarah Sjostrøm var eisini heilt nær einum heiðursmerki, við tíðini 26.14 og einum 4. plássi, har bronsumerkið fór til fronsku Melanie Henique við 26.09. Sí úrslit her á omegatiming.com