Nú 10. til 13. apríl verður stór svimjistevna í Eindhoven í Niðurlondum, við luttøku av eisini bestu dønum og Páli Joensen. Pál hevur bestu tilmeldingartíð í 1500 frí, har næstskjótasti er ungi Henrik Christiansen úr Noregi, og sættbestu í 400 frí.
Heimasíða • Startlisti • Live Timing • Video
Italski Gabriele Detti megnaði í gjár at svimja 7:42.74 og nýtt italskt og evropeiskt met í 800 metra frísvimjing á langgeil, á italsku EM-úttøkustevnuni í Riccioni. Eisini italski Federico Colbertaldo átti metið á 7:43.84, frá superdrakts-tíðini á HM í Rom í 2009. Í dag svam italska Martina Rita Caramignoli bestu tíð í heiminum í ár í 1500 metra frísvimjing, tá ið hon vann kappingina við 16:11.70, sum tó er væl spakuligari enn evropametið hjá Lotte Friis á 15:38.88. Nú verður væntað at Gregorio Paltrinieri fríggjadagin fer eftir evropametinum í 1500 metra frísvimjing, eftir at hann herfyri megnaði at svimja 5 km uppá 50:56. Russiski Yury Prilukov eigur evropametið á á 14:43.21 frá OL í Beijing í 2008. Sí úrslit á dbresult.it
Nógv av tykkum hava sikkurt fylgt við í trupulleikunum sum Ian Thorpe og Grant Hackett hava stríðst við í seinastuni, har báðir hava verið innlagdir, Thorpe fyri depressión og Hackett fyri avhengiheit av sovipillarunum Stilnox. Men hesir trupulleikar blikna í mun til akuttu støðuna hjá Thorpe, har hann nú er innlagdur á intensivu deild, við vanda fyri at missa førleikan í vinstra armi. Lesið Sydney Morning Herald, og sí video niðanfyri.
Viðfestur er úrslitalistin frá svimjistevnuni í Leirvík nú leygardagin 5. apríl 2014, sum Svimjifelagið Reysti skipaði fyri, fyri okkara yngstu aldursbólkar. Úrslitið varð at vertsfelagið Reysti vann so syngjandi, 21 gull, 14 silvur og 16 bronsu, har mest vinnandi svimjarar vóru Rebekka Trygvadóttir og Jónas Hansen úr Reysti við ávikavist 6 og 5 gullheiðursmerkjum.
Heiðursmerkjabýtið millum feløg
| Gull | Silvur | Bronsa | |
|---|---|---|---|
| Reysti | 21 | 14 | 16 |
| Suðuroyar Svimjifelag | 7 | 13 | 4 |
| Fuglafjarðar Svimjifelag | 2 | 5 | |
| Havnar Svimjifelag | 2 | ||
| Tilsamans | 28 | 29 | 27 |
At tað gongur væl hjá danskari svimjing, sæst eisini í limatølunum. Danska ítróttasambandið almannakunngjørdi herfyri sína árligu frágreiðing um hvussu nógvir limir eru í ymisku ítróttunum, har tað sæst at svimjingin í 2013 fór fram við 9,43%, ella 14.709 limum. Harvið fór Dansk Svømmeunion framum Dansk Golf Union, samstundis sum at golf dragnaði í mun til Danmarks Gymnastik Forbund, soleiðis at topp 10 listin nú sær soleiðis út:
Skjótast vaksandi danska sersamband er Dansk Triathlon Forbund, sum fór fram við 36,66%, meðan Danmarks Moderne Femkampforbund fór aftur við 46,58%. Dansk Boldspil-Union fór aftur við 3,34%, sum vegna teirra stødd var nógv størsta limatap á 11.387 limir. Fimleikurin hevði vegna sína stødd tann størsta vøkstur á 15.197 limir, sum er sera flott við tað at tey sum svimjingin høvdu stóran vøkstur eisini árið undan.
Golf er sum í í 2012 og 2011 í minking, í 2013 á 1,03% ella 1.625 limir.
Kelda: swimnews.dk
Danir avgreiddu sum nevnt ‘Danske HoldMesterskaber’ hetta vikuskiftið, og gjørdist úrslitið har í bestu deildini at tey úr Aalborg vunnu, har Pál var ein av svimjarunum. Pál og teir megnaðu at vinna 4×200 frí, har Pál sum fyrsti svimjari svam 1:50.28. Esbjerg-svimjarin Frans Johannesen var næstskjótastur í 400 blandað við tíðini 4:20.75, og Pál triðskjótastur við 4:26.59. Magnus Jákupsson var fyri Sigma triðskjótastur í 200 rygg við tíðini 2:02.44. Astrið Foldarskarð var fyri VAT 9. skjótast í 50 frí við tíðini 26.85. Pál var triðskjótastur í 1500 frí við tíðini 15:23.36. Og Magnus og teir úr Sigma vóru triðskjótastir í 4×100 frí, har Magnus sum fyrsti svimjari svam 50.56.
(Pál á DMH 2014, Jákup Jacobsen eigur myndina)
Talan var sum nevnt um eina liðkapping, har tað kann hugsast at svimjarar til tíðir svumu taktiskt, tí at tað allíkavæl ikki gjørdi mun, ella tí at teir skuldu spara seg til aðrar greinar við betri møguleikum fyri góðum stigum.
Samlaða støðan gjørdist hendan:
AGF, Køge og Silkeborg rykkja niður í 1. deild, og Triton Ballerup, Gladsaxe og Swim Team Midtjylland koma í staðin upp í ‘Svømmeligaen’
Árliga danska meistarastevnan fyri lið er hetta vikuskiftið, har svimjifeløg kappast í minst 5 deildum um at verða besta lið í landinum, og flyta upp og niður millum deildir. Besta deildin eitur ‘Svømmeligaen’, har Aalborg nú er á odda eftir fyrsta dag, við styrk frá eisini Páli Joensen. Pál svam 3. bestu tíð í 400 frí í dag, 3:52.96 aftanfyri Anton Ørskov Ipsen á 3:47.98 og Frans Johannesen á 3:51.70. Magnus Jákupsson vann so syngjandi kappingina í 50 rygg, við tíðini 24.76 frammanfyri næstskjótasta Nikolaj Kirketerp-Møller á 26.18.
(Magnus á DMH 2014, Jákup Jacobsen eigur myndina)
Magnus vann eisini 100 rygg rættiliga greitt, 53.57 frammanfyri Anders Jensen á 54.69, og varð hartil nr 3 í 100 blandað við tíðini 54.85. Liðið hjá Frans vóru triðskjótastur í 4×100 blandað, og hartil varð Frans við tíðini 1:47.66 triðskjótastur í 200 frí, har Pál varð sættskótastur við 1:51.10. Astrið Foldarskarð megnaði í 50 firvald at verða 7. skjótast við tíðini 28.33.
Pál svimur fyri Aalborg, Frans fyri Esbjerg, Magnus fyri Sigma og Astrið fyri VAT. Støðan nú aftaná fyrsta dag er sum listað niðanfyri. Sí øll úrslit her.
Viðfest er innbjóðing til Meistarastevnuna fyri Ung 2014, sum Svimjisamband Føroya skipar fyri í svimjihøllini í Gundadali hin 25. og 26. apríl. Kappast verður í bólkum 1, 2 og 3, í fylgjandi stevnupørtum:
Sum tit kunnu hoyra í ljóðbrotinum niðanfyri, so avdúkaði umboð fyri Antidoping Føroya nú sunnukvøldið í ungdómssendingini Reiðrið hjá Kringvarpið Føroya, at fyrsta føroyska dopingmál var ein kvinnuligur súkklari, ið fekk ein mánaða karantenu fyri ikki at hava tað neyðuga undantaksloyvið fyri at taka medisin. Sonevnda “TUE”.
Eg má siga akkurát sum er, at eg ikki skilji arbeiðisháttin hjá Antidoping Føroya.
Continue reading Føroya fyrsta dopingmál var ein kvinnuligur súkklari
Brot úr ítróttarsendingini 3-2 hjá Kringvarpi Føroya, um teir báðar føroysku gullvinnararnar á Danish Open 2014, Pál Joensen og Magnus Jákupsson. Pál tosar um støðuna nú og ætlanirnar fyri í summar, og skift verður so til tað at Magnus ikki kláraði kravtíðina hjá dønum, har venjarin hjá teimum báðum Shannon Rollason kemur við sínum viðmerkingum, og Magnus síðani svarar til.
