Krista Mørkøre luttók fyri løtu síðani í 100 metra frísvimjing á Paralympisku Leikum í Rio de Janeiro, og svam har teinin uppá 1:12.34. Tað rakk til eitt 19. pláss millum tær 19 sum luttóku í bólkinum hjá Kristu í hesi grein, sí úrslitalistan her. Besta tíð hjá Kristu er 1:08.49 í hesi grein, frá tá ið hon vann gull í 100 metra frísvimjing á British Para Swimming Championships 2015.
Her er beinleiðis leinki til kappingina hjá Kristu
Krista Mørkøre fer í dag at royna seg í síni næstu kapping á Paralympisku Leikum 2016, tá ið tey frá kl 14:37 føroyska tíð avgreiða innleiðandi riðlarnar í 100 metra frísvimjing. Krista er í fyrsta riðli, tá, og á geil 7. Sí ÍSB á Facebook
Ryan Lochte luttekur í hesum døgum í Dancing With The Stars, og var har nú eisini rok har, tá ið hann og partnarin Cheryl Burke høvdu roynt seg í fyrsta foxtrot. Tveir mans troðkaðu seg upp á dansigólvið, meðan nakrar dámur stevfast róptu ‘liar, liar’, ílætnar t-skjúrtur við onkrum mótmæli á.
https://youtu.be/e-YkzonSgRM
Continue reading Ballada tá Ryan Lochte luttók í ‘Vild med dans’
Her er innbjóðing til svimjistevnu á Argjum, leygardagin hin 17. september 2016, sum Havnar Svimjifelag skipar fyri. Hetta er kapping fyri aldursbólkarnar 2 og 3, sum eru gentur føddar ár 2005-2008 og dreingir føddir ár 2004-2007.
Krista Mørkøre royndi seg fyri løtu síðani í 50 metra frísvimjing á Paralympisku Leikum í Rio de Janeiro, og varð har nr 21 við tíðini 32.54 sekund, í bólkinum S10. Hennara besta tíð er 31.69 í hesi grein, frá tá ið hon vann gull á British Para Swimming Championships í fjør. Sí úrslitalistan her.
ÍSB skrivar her á Facebook, at tað nú í dag kl 14:15 føroyska tíð, at Krista Mørkøre skal royna seg í síni fyrstu kapping á Paralympiskum Leikum í Rio de Janeiro.
Stroymingin er her, og byrjar nú um eina lítla løtu
Her er innbjóðing til SMS stevnu í Gundadali hin 24. og 25. september 2016, sum Havnar Svimjifelag skipar fyri. Stevnan er ‘opin’, tað vil siga fyri allar aldursbólkar uttan nakað bólkabýti, og sæst eisini í kalendaranum hjá Svimjisambandi Føroya.
Amerikansku miðlarnir TMZ og USA Today siga seg vita, at Ryan Lochte fer at fáa 10 mánaðar bann frá allari svimjing, íroknað HM á stuttgeil nú í desember, og HM á langgeil í Budapest komandi summar. Hetta skal vera bann frá altjóða olympisku nevndini IOC, amerikansku olympisku nevndini USOC og amerikanska svimjisambandinum USA Swimming.
Continue reading Ryan Lochte fær 10 mánaðar bann fyri rokið í Rio
So er tað í dag kl 22:15 føroyska tíð, at setanarhátíðin til Paralympisku Leikir 2016 byrjar, í Rio de Janeiro. Og tað fer at bera væl við at fylgja við føroysku Kristu Mørkøre og restini, tí IPC hevur valt at stroyma meira ella minni alt beinleiðis á síni DailyMotion rás, umframt á YouTube, íroknað setanar- og endahátíð, og alla svimjistevnuna.
Continue reading Beinleiðis stroyming frá Paralympisku Leikunum í Rio
