Í dag fór eitt stórt lið av føroyskum svimjarum og leiðarum og venjarum til Kolding í Danmark, at luttaka á Norðurlendsku Meistarastevnuni og JuniorMeistarastevnuni 2016, sum byrjar í morgin.
Sára 1:05.10 í 100 blandað
Vit úr Føroyum eru nú liðug við triðja dag her á HM á stuttgeil 2016, har Sára Ryggshamar Nysted úr Suðuroyar Svimjifelag skuldi royna seg í 100 blandap. Tað gekk ókey, um enn Sára nokk ætlaði at fara eftir metunum.
Nú bragdaði í Windsor
Føroysku svimjararnir royndu seg aftur í dag á HM á stuttgeil 2016, og gekk tað væl betri enn í gjár. Óli Mortensen úr Havnar Svimjifelag setti persónligt met í 200 frí, umframt at Sára Nysted úr Suðuroyar Svimjifelag setti føroyskt juniormet í 100 frí.
Sára 57.43 og føroyskt juniormet í 100 frí
Sára Ryggshamar Nysted úr Suðuroyar Svimjifelag setti fyri løtu síðani stórt nýtt føroyskt juniormet, tá ið hon á HM á stuttgeil í Windsor svam 100 frí uppá 57.43 sekund. Guðrun Mortensen átti nú farna juniormetið á 57.62, frá FM á stuttgeil í 2013. Og Sára var hartil bara 2 hundraðpartar frá føroyska metinum hjá Elspu Mørkøre, sum er 57.41 frá DM á stuttgeil í 2007. Til lukku Sára !
Varlig byrjan uppá HM á stuttgeil 2016
Nú hava føroysku svimjararnir roynt seg í fyrstu innleiðandi riðlum, her á HM á stuttgeil 2016 í Kanada, og tað kundi hava gingið betri. Pál og Óli royndu seg í 400 frí, og Sára í 200 frí.
Svimjisamband Føroya yvirtekur lívbjargingarskipanina
Umboð fyri Svimjisamband Føroya møttust nú hóskvøldið hin 1. desember 2016 við umboð fyri Dansk Svømmeunion, í sambandi við at vit ynskja at formliga yvirtaka ta lívbjargingarskipan sum vit saman við Dansk Svømmeunion hava bygt upp her í Føroyum síðani 2009.
Continue reading Svimjisamband Føroya yvirtekur lívbjargingarskipanina
So er tað (skjótt) HM á stuttgeil 2016
Nú týsdagin hin 6. desember byrjar HeimsMeistarastevnan á Stuttgeil 2016, í kanadiska býnum Windsor nær Detroit í USA. Úr Føroyum luttaka tríggir svimjarar, og byrjar ferðin hjá tí eina í dag, meðan hinir báðir koma afturat í kvøld og í morgin.
Útlit til heiðursmerkir á NM/NJM 2016
Startlistin til Norðurlendsku Meistarastevnuna og JuniorMeistarastevnuna 2016 sæst nú her, har eisini føroyingar tykjast at fara at kunna gera seg galdandi.
Norðurlendsk ráðstevna um lívbjarging
Hesar tveir næstu dagarnar er norðurlendsk ráðstevna um lívbjarging, har eisini føroyingar luttaka.
Hetta í Idrættens Hus í Brøndby,í forleingilsi av ráðstevnuni um skúlasvimjing.
Úr Føroyum luttaka Sørin S. Djurhuus og Djóni Dalsgarð, sum umboð fyri Svimjisamband Føroya.
Vit sum vóru á ráðstevnu um svimjiførleika vita, at her er nógv spennandi í umbúna.
Norðurlendsk ráðstevna um svimjiskúlar
Umboð fyri Svimjisamband Føroya eru í hesum døgum á norðurlendskari ráðstevnu um skúlasvimjing, sum Dansk Svømmeunion skipar fyri saman við Syddansk Universitet (FIIBL – Forsknings- og Innovationscenter for Idræt, Bevægelse og Læring).
