Úrslit frá Ægir-stevnuni 11. og 12. februar 2017

Her eru úrslitini frá svimjistevnuni sum Ægir skipaði fyri í Klaksvíkar Svimjihøll nú leygardagin 11. og sunnudagin 12. februar 2017. Ein góð og spennandi kapping, har hæddarpunktið vælsagtans var føroyska metið hjá Vár í 1500 frí, umframt at Signhild og Vár staðfestu sínar dygdir til Oyggjaleikir 2017.

SwimRankings telur upp at tey vóru tilsamans 124 svimjarar úr 5 feløgum sum kappaðust tilsamans 685 ferðir í einstaklingakapping umframt 56 ferðir sum lið, í tilsamans 40 kappingargreinum.

Marius á veg at vinna firvald í Klaksvík. Rókur í Jákupsstovu eigur myndina.

Continue reading Úrslit frá Ægir-stevnuni 11. og 12. februar 2017

Vár 17:12.63 og føroyskt met í 1500 frí

Vár Erlingsdóttir Eidesgaard úr Havnar Svimjifelag setti fyri løtu síðani risastórt nýtt føroyskt met og juniormet í 1500 metra frísvimjing á stuttgeil, tá ið hon á Ægir-stevnuni í Klaksvík svam teinin uppá 17:12.63. 

Mona Simonsen átti føroyska metið á 17:23.25 frá donsku meistarastevnuni á stuttgeil í 2008, meðan Vár sjálv átti juniormetið á 17:26.75 frá tá ið hon vann gull á FM á stuttgeil í 2016.

Dan skal døma á HM 2017 í Budapest

Altjóða svimjisambandið FINA kunngjørdi í gjár teirra útnevnilsi av dómarum til HeimsMeistarastevnuna 2017 í Budapest í summar, har føroyski høvuðsdómarin Dan Hjelm er millum tey 26 útvaldu. HM er eitt av allarstørstu og týdningarmestu tiltøkum sum FINA skipar fyri, og er hetta tí sjálvsagt ein stórur heiður fyri Dan og Svimjisamband Føroya.

Dan dómari á EM 2016 í London. Rókur í Jákupsstovu eigur myndina.

Continue reading Dan skal døma á HM 2017 í Budapest

Lívbjargingardómaraskeið í Vági 17. – 19. februar 2017

Svimjisamband Føroya skipar vikuskiftið 17. til 19. februar 2017 fyri lívbjargingardómaraskeiði í Páls Høll í Vági, har Sørin S. Djurhuus kemur at undirvísa. Hetta er fyrsta skeið av sínum slag sum Svimjisamband Føroya skipar fyri, eftir at vit í vetur yvirtóku eisini hendan part av okkara lívbjargingarskipan frá dønum.

Lívbjargarar í Gundadali. Jórun Eið eigur myndina.

Continue reading Lívbjargingardómaraskeið í Vági 17. – 19. februar 2017

Startlisti til Ægir-stevnuna 11. og 12. februar 2017

Her er startlistin til svimjistevnuna nú leygardagin 11. og sunnudagin 12. februar 2017, sum Ægir skipar fyri í Klaksvíkar Svimjihøll. Hendan stevna er næstseinasti kjansur hjá svimjarum at klára kravtíð til Oyggjaleikir í summar, har FM á stuttgeil í mars mánaða verður hin síðsti. Til nú hava 9 svimjarar klárað kravtíð til Oyggjaleikir 2017.

Hestoy víðari til 57km svimjing í Santa Fe, Argentina

Jon Hestoy rokast enn í Argentina, nú sum “FINA Technical Delegate” á stevnu har tey svimja 57 kilometrar í Coronda ánni frá Santa Fe til Coronda. Tey byrja kl 10:30 lokala tíð, sum er kl 13:30 her í Føroyum, og tekur teinurin umleið 8 tímar at svimja. Sí FINA

https://youtu.be/0Rgfy5ksl44

Hestoy til Patagonia at tryggja World Cup stevnu fyri FINA

Jon Hestoy er í hesum døgum í Patagonia í Suður-Argentina, sum umboð fyri teknisku Open Water nevnd FINA, á fyrstu stevnu í røðini av World Cup stevnum í sjósvimjing. Tey skulu svimja 10 km í Río Negro millum Carmen de Patagones og Viedma, ein teinur sum eisini verður kallaður fyri maraton í FINA-høpi.

Kappingin er í morgin, leygardagin hin 4. februar 2017, og verður stroymað her:

Live Broadcast

Sí eisini lapatagonesviedma.com. Tey byrja sambært skránni hjá FINA kl 14:00 lokala tíð, sum er kl 17:00 her í Føroyum.

Her er ein video frá stevnuni í fjør