Úrslit frá SuSvim-stevnuni 24. og 25. februar 2018

Her eru úrslitini frá Suðuroyar Sparikassa stevnuni nú 24. og 25. februar 2018, sum Suðuroyar Svimjifelag skipaði fyri í Páls Høll í Vági.

Tilsamans vóru tey 86 íðkarar og 29 lið úr 5 feløgum sum kappaðust 564 ferðir í 36 kappingum, og fingu vit m.a. 4 nýggj føroysk juniormet og 1 nýtt føroyskt met.

Havnar Svimjifelag var mest vinnandi felag, meðan Signhild Joensen úr Ægir átti besta avrikið, á 745 FINA stig fyri tíðina 1:04.11 í 100 metra ryggsvimjing.

Úrslitini síggjast eisini her á livetiming.se, umframt her á SwimRankings

Continue reading Úrslit frá SuSvim-stevnuni 24. og 25. februar 2018

SuSvim dreingir 4:32.57 og føroyskt juniormet í 4×100 blandað

Dreingjaliðið hjá SuSvim setti í dag stórt nýtt føroyskt juniormet í 4×100 metra blandaðari svimjing á langgeil, tá ið teir á Suðuroyar Sparikassa stevnuni í Páls Høll í Vági svumu teinin uppá 4:32.57. FLOT átti metið áðrenn hetta, á 4:54.95 frá FM á langgeil í fjør.

SuSvim-dreingir í Páls Høll. Yvonna Toftum eigur myndina.

Teir sum svumu fyri SuSvim, vóru:

  • Rúni Bech (2002) 1:11.64 í 100 rygg
  • Rani Jacobsen (2001) 1:11.51 í 100 bringu
  • Rói Bech (2001) 1:09.86 í 100 firvald
  • Bartal Debess (2002) 59.56 í 100 frí

Sí úrslitalistan her

Vár 28.54 og føroyskt juniormet í 50 firvald

Vár Erlingsdóttir Eidesgaard setti fyri løtu síðani nýtt føroyskt juniormet í 50 metra firvaldasvimjing á langgeil, tá ið hon á Suðuroyar Sparikassa stevnuni í Páls Høll í Vági svam teinin uppá 28.54 sekund. Sí úrslitalistan her.

Vár átti sjálv nú farna juniormetið á 28.80 sekund, frá SuSvim-stevnu í mars mánaða í fjør. Astrið Foldarskarð eigur føroyska metið á 28.29 sekund, frá Danish Open í 2014.

Vár er árgang 2001 og svimur fyri Havnar Svimjifelag.

Vár í Páls Høll. Erling Eidesgaard eigur myndina.

Vár 58.12 og stórt nýtt føroyskt met í 100 frí

Vár Erlingsdóttir Eidesgaard setti fyri løtu síðani stórt nýtt føroyskt met og juniormet í 100 metra frísvimjing á langgeil, tá ið hon á Suðuroyar Sparikassa stevnuni í Vági svam teinin uppá 58.12 sekund.

Sára Ryggshamar Nysted átti nú farnu metini á 58.67 sekund, frá Reykjavík International í januar 2016. Besta tíð hjá Vár var 59.17 áðrenn hetta, frá FM á langgeil í fjør.

Vár svimur fyri Havnar Svimjifelag.

Vár í Páls Høll. Erling Eidesgaard eigur myndina.

Vár 27.17 og føroyskt juniormet í 50 frí

Vár Erlingsdóttir Eidesgaard setti fyri løtu síðani flott nýtt føroyskt juniormet í 50 metra frísvimjing á langgeil, tá ið hon á Suðuroyar Sparikassa stevnuni í Páls Høll í Vági svam teinin uppá 27.17 sekund.

Guðrun Mortensen átti nú farna juniormetið á 27.23 sekund, frá EM í Debrecen í mai 2012, meðan besta tíð hjá Vár var 27.26 sekund áðrenn hetta, frá SuSvim-stevnu í januar mánaða. Astrið Foldarskarð eigur føroyska metið á 27.06 sekund, frá Danish Open í 2016.

Vár er árgang 2001 og svimur fyri Havnar Svimjifelag.

Vár í Páls Høll. Erling Eidesgaard eigur myndina.

Startlistar til SuSvim-stevnuna 24. og 25. februar 2018

Her eru startlistarnir til svimjistevnuna í Páls Høll í Vági nú leygardagin og sunnudagin 24. – 25. februar 2018, sum Suðuroyar Svimjifelag skipar fyri.

Úrslit frá HS-stevnuni í Kollafirði 17. februar 2018

Her eru úrslitini frá svimjistevnuni í Kollafirði, nú leygardagin hin 17. februar 2018, sum Havnar Svimjifelag skipaði fyri. Hetta var stevna fyri okkara yngstu aldursbólkar, og fyrstu ferð í mong á at stevna var í Kollafirði.

Langhylurin komin í langdrag

Bæði vit í Havnar Svimjifelag og stóra fjøldin av virknum svimjarum í Tórshavnar kommunu settu sítt álit á, at nú ein fyrrverandi elitusvimjari settist í borgarstjórasessin, so fór ætlanin at byggja ein langhyl í Gundadali at halda. Vit hugsaðu øll, at nú kundi einki seinka byggingini. Tí fingu vit sum vátan vøtt frammaná henda dagin, tá býráðsmeirilutin boðaði frá, at ætlanin nú verður útsett. Kundi tað hugsast, at gamli landsliðssvimjarin í borgarstjórasessinum hevði gloymt svimjingina, ella var hon komin í minniluta í sínum egna meiriluta?

Continue reading Langhylurin komin í langdrag