Category: venjing

Danska svimjisambandið fráboðaði nú fyrrapartin at tey hava gjørt samstarvsavtalu við svimjifeløgini A6 og Herlev Svømning, um virksemið hjá ‘det Nationale Træningscenter’ (NTC) fram til Olympisku Leikir 2020 í Tokyo.

Sí hesa sending hjá BBC

Havnar Svimjifelag hevur seinastu tvær vikurnar verið á venjingarlegu í Kranevo við Svartahavið í Bulgaria. Ferfaldi olympiski gullvinnarin, russiski Alexander Popov – ein av skjótastu sprintarunum í heiminum nakrantíð, kongurin av sprint – hevur venjingarlegur á sama stað, og í dag vandi hann Havnar Svimjifelag. Nógv minnast Popov frá Olympisku Leikunum í 1992 í Barcelona og í 1996 í Atlanta, tá ið hann báðar ferðirnar vann gull í 50 m og 100 m frí. Popov endurvann sostatt gullheiðursmerkini í báðum greinunum, og tað hevur eingin gjørt undan ella seinni. Popov hevði heimsmetini í 50 m og 100 m frí í ávikavist 8 og 6 ár. Hann er føddur í 1971 og var 20 og 24 ára gamal, tá ið hann vann gullini vid OL. Sum 31 ára gamal megnaði hann at vinna gull í Heimsmeistaraskapinum í 100 m frí. Til stuttleika kann nevnast, at Popov hevði vatnskrekk, tá ið pápi hansara meldaði 8 ára gamla drongin til svimjing. Komin í hylin, fekst hann ikki upp aftur. Restin er søga. Popov vann íalt 48 altjóða heiðursmerkir, 4 gull og 5 silvur við OL og ávikavist 13 og 26 heiðursmerkir við Heims- og Europamestarastevnur. Popov vísti seg at vera ein sera fyrikomandi ítróttarmaður og legði øllum eina við at taka allar venjingar í álvara, tí í síðsta enda er tað bara upp til ein sjálvan.

Ein hópur hjá Ægir fóru nú fríggjamorgunin til Danmarkar á venjingarlegu, at koma aftur seint sunnukvøldið, fyrsta páskadag. Svimjararnir eru úr ymiskum liðum hjá Ægir, og hartil er Sára R. Nysted úr Suðuroyar Svimjifelag við á ferðini.

Nú kjakast hevur verið um nøktandi ella ikki nøktandi svimjitilboð í Tórshavnar Kommunu, so fekk eg hug at royna at meta um tilboðið per íbúgva, skift út á føroyskar kommunur. Og hóast ávísar óvissur, so er eingin ivi um at Vágs kommuna hevur nógv mest svimjihyl at bjóða sínum borgarum.

Continue reading Vágur so nógv mest svimjihyl per íbúgva

Sum nevnt í skrivinum um landsliðslegu, so skipar Svimjisambandið nú hóskvøldið hin 16. november fyri kunningarfundi um mentalvenjing, við ítróttarsálarfrøðinginum Jón Gregersen.

Continue reading Kunningarfundur um mentalvenjing hóskvøldið 16. november 2017

Svimjisambandið skipar nú í vikuskiftinum fyri venjingarlegu í Klaksvík, fyri teimum svimjarum sum eru úttiknir til EM og NM/NJM 2017.

Vit fáa danska úrvalsvenjaran Bo Jacobsen heim at skipa fyri sjálvari venjingini, og hartil verða innsløg við ítróttarsálarfrøðinginum Jón Gregersen.

Continue reading Landsliðslega í Klaksvík 17. til 19. november 2017

Svimjing er veruliga ein ítróttur fyri lívið ! 🙂