Íslendska svimjisambandið verður í oktober vertur fyri svimjiskúlaskeiði hjá European Aquatics, sum er partur av átakinum Swim Safe Europe, til at styrkja um svimjiundirvísingina til børn frá 3 til 12 ára aldri. Hetta fyrsta skeiðið er fyrst og fremst ætlað íslendskum og føroyskum venjarum, lærarum og instruktørum, og verður fyrst fýra tímar á netinum og síðani eitt vikuskifti í Reykjavík. Sí sundsamband.is
Melda til her á eaacademy.eu
Svimjisamband Føroya fekk herfyri tillutað eitt venjaraskeið frá altjóða svimjisambandinum FINA, at verða í Tórshavn vikuskiftið hin 16. til 18. september 2022. Hetta er skeið sum tað vit høvdu í 2018, har luttakararnir tá verða FINA góðkendir hjálparvenjarar, við møguleika at síðani víðariútbúgva seg til venjara og høvuðsvenjara.
Hetta vikuskiftið var dómaraskeið í Havn, sum liður í nýggjari samstarvsavtalu millum Svimjisamband Føroya og Dansk Svømmeunion. Tilsamans vóru vit 18 sum møttu og gjøgnumførdu skeiðið, sum var í fýra teimum fyrstu mótulunum í donsku dómaraútbúgvingini, frá tíðtakara yvir svimjidómara til startara, við møguleika at nú fara víðari til útbúgving sum yvirdómarar.
Takk til Dansk Svømmeunion fyri lán av undirvísarum!
Vegna áhaldandi støðu við koronu, hava vit í samráð við undirvísararnar valt at útseta dómaraskeiðið sum skuldi verða í Havn nú hin 14. til 16. januar 2022, til heldur at verða hin 18. til 20. mars 2022.
Svimjisamband Føroya skipar hin 14. til 16. januar 2022 fyri dómaraskeiði í Havn, undir leiðslu av royndu yvirdómarunum Henriette og Jens Soelberg Jensen. Hetta sum liður í nýggjum samstarvi við Dansk Svømmeunion, har fyrstu 4 mótul í donsku skipanini nú verða bjóðað í Føroyum, við møguleika fyri seinni at taka útbúgving víðari til yvirdómara.
Vegna ov lítla undirtøku, eru vit tíverri noydd at fyribils útseta FINA dómaraskeiðið sum skuldi verða hin 7. til 9. mai 2021, til í fyrsta lagi einaferð í heyst.
Her er tilmeldingarskjalið í sambandi við FINA dómaraskeiðið á netinum in 7. til 9. mai 2021, sum SSF og FINA skipa fyri undir leiðslu av altjóða yvirdómaranum Jens-Christian Iversen.
Sí viðfestu skrá, vit vóna at síggja millum 20 og 30 av okkara trúføstu dómarum á hesum skeiði, sum ikki vóru á tilsvarandi skeiði í 2019.
Continue reading Klárt at melda til FINA dómaraskeiðið 2021Altjóða svimjisambandið FINA skipar hin 7. til 9. mai 2021 fyri “FINA Online Swimming Clinic for Officials – Faroe Islands (FAR)“, sum er sama slag skeið vit høvdu í Havn hin 22. til 24. mars 2019, tó nú á netinum vegna støðuna við korona.
Nú er greitt at allir luttakararnir úr Føroyum tóku prógv, sum í september luttóku á heimsins fyrsta FINA venjaraskeiði fyri royndar venjarar, í Reykjavík í Íslandi.
Og av tí at vit vóru fimm føroyingar og ein meksikani úr Føroyum, á hesum fyrsta skeiði sum 10 gjøgnumførdu, so er eisini greitt at minst helvtin av øllum FINA venjarum á 3. stigi beint nú eru úr Føroyum 🙂
Her er innbjóðing til skeið í stevnuforritinum WinGrodan, sum Svimjisambandið ætlar at skipa fyri í ÍSF-høllini í Tórshavn, leygardagin hin 26. oktober 2019.
Áhugaði kunnu melda til við oyðublaðnum her
Við svimjikvøðu
SSF
