Svimjifelagið WestSwim skipar nú 2. – 4. maj fyri stórari altjóða svimjistevnu í Esbjerg, við 1845 luttakarum úr 10 londum. Tað er 11. árið at WestSwim skipar fyri hesi stevnu, og Havnar Svimjifelag luttekur sum onkuntíð áður við einum rættiliga stóri hópi. Fylgi við á heimasíðuni hjá WestSwim, á livetiming.dk, ella við evt. at fylgja við beinleiðis ‘videostreaming’ frá kappingini. Continue reading Havnar Svimjifelag til Danmarkar at kappast
Category: Kapping
Joan Bláfoss vunnið altjóða triathlonkapping í Lissabon
Sum tit kunnu lesa her á sportalinum, vann Joan Bláfoss sína fyrstu altjóða kapping nú seinasta vikuskifti. Kappast varð á hálva ironman teininum, sum er 1.9 km svimjing, 90 km súkkling og 21 km renning. Joan nýtti 4 tímar, 8 minuttir og 24 sekund um teinin, og vann harvið kvinnukappingina og fyrstu virðisløn á 3000 evrur. Sí eisini heimasíðuna hjá kappingini, Lisboa International Triathlon.
Heiðursmerkjateljingin klár frá fyrra vikuskifti
Orsaka at tað tók so langa tíð, men nú er heiðursmerkjabýti frá stevnuni 18. – 20. apríl at finna her á heimasíðuni her.
Úrslit frá SUM 2008
Suðuroyar Svimjifelag vann flest heiðursmerki tilsamans á SmáUnglingaMeistarastevnuni í Vági í gjár og fyrradagin, meðan Havnar Svimjifelag við Jóhannes Agnarssyni vann flest heiðursmerki í bólki 1, og Óluva Jacobsen úr Reka vann flest sum einstaklingur. Tanja Skaalum (Susvim), Guðrun Mortensen (Susvim) og Sigrid Magnussen (Skeggjar) svumu bronsunálatíð í 50 frí, og vunnu sær harvið eisini rætt at luttaka á FM í mai mánaða.
heldur undarligur startur
sat og hugdi eitt sindur inniá youtube, so kom eg til hetta klippi av Frederik sum var kanska um man kann siga heldur ov skjótur avstad.
Tíðindaskriv frá SSF ísv SUM 2008
100 svimjarar møtast til Meistarastevnu.
SUM Smáunglingameistarastevnan í svimjing verður fríggjadagin 25. apríl og leygardagin 26. apríl í svimjihøllini í Vági.
Hetta er meistarakappingin fyri tey yngstu, t.v.s. bólkarnar 1 og 2.
Bólkur 1 árg 99 og yngri, og bólkur 2 er árg 97 og 98. Continue reading Tíðindaskriv frá SSF ísv SUM 2008
Flóta betri uttan at vera lættari
Áhugaverd grein her á swimnetwork.com, har Scott Goldblatt skrivar frá samrøðu við ein stjóra hjá TYR, um nýggjastu hátøkniligu svimjidraktina hjá teimum. Ein av effektunum av hesari nýggju draktini er eftir øllum at døma, at hon flytir tyngdarpunktið hjá svimjaranum tættari at uppdriftspunktinum, so at beinini ikki longur søkka. Altso, draktin ger ikki at svimjarin flýtur hægri í vatninum (sum vildi verið ólógligt… draktin má ikki virka sum flot), men ‘bara’ at hann flýtur líka væl við beinunum sum við restina av kroppinum. Continue reading Flóta betri uttan at vera lættari
Úrslit frá Suðuroyar Sparikassa stevnuni
Viðfestar eru úrslitafílurnar frá Suðuroyar Sparikassa stevnuni í vikuskiftinum. Úrslitið varð at Suðuroyar Svimjifelag vann kappingina um flestu heiðursmerki, serliga vegna sínar eldru svimjarar, meðan Fuglafjarðar Svimjifelag var best í bólki 3 og HS í bólki 4. Pál Joensen vann heilir 12 gullheiðursmerki og 3 silvurheiðursmerki, meðan besta kvinnan var Shaila millum Garðarnar við 9 gull og 2 silvur.
Heiðursmerkjabýtið her niðanfyri telur upp heiðursmerkini í øllum kappingum uttan tær opnu ‘útskiljings-finalurnar’; so at skilja at svimjarar her fáa ‘heiðursmerki’ fyri ta plasering sum tey fingu í innleiðandi riðlunum, og finalan so verður ignorerað. Trupulleikin er nevniliga at stevnan sum heild varð bólkabýtt, meðan hesar finalurnar vóru ‘opnar’, og eg tí fløkist í nær eg skal telja ein yngri svimjara sum nr 1, 2 og 3 í sínum bólki og ikki.
Heiðursmerkjabýti millum feløg, allir bólkar
| Felag | Gull | Silvur | Bronsa |
|---|---|---|---|
| Susvim | 40 | 34 | 11 |
| FS | 28 | 17 | 14 |
| HS | 22 | 21 | 13 |
| Reki | 11 | 12 | 8 |
| FLOT | 6 | 5 | 5 |
| Ægir | 5 | 6 | 13 |
| Tilsamans | 112 | 95 | 64 |
Fullfíggjaði metlistin frá Manchester 2008
Svensku www.scmsom.se hava listað øll heimsmet, heimspartamet og tjóðarmet upp her á heimasíðuni, sum sett vóru á heimsmeistarastevnuni í Manchester herfyri. Listin er drápuligur: 18 heimsmet, 35 stevnumet, 28 afrikansk, 15 amerikansk, 2 asiatisk, 22 evropeisk og 17 oseanisk, umframt ein rúgva av tjóðarmetum.
2 føroyskt met á Suðuroyar Sparikassa stevnuni í gjár
Kári J. á Høvdanum betraði um sítt føroyska met í 100 rygg, við at svimja 56.91, har metið hjá honum var 57.41. Og Pál Joensen strikaði metið hjá Asbjørn Hansen í 100 firvald, við at svimja 58.74 har metið hjá Asbjørn var 58.95. Lesið her av susvim.com.