Tey hava havt stórar avbjóðingar við at fáa avgreitt fyrstu kappingar á HM í Open Water 2025, sum eru í Singapore í hesum døgum. Fyrst máttu kappingarnar á 10 km útsetast vegna dálkað vatn – og nú tær endaðu við at vera seinnapart, so var so heitt at nógv máttu gevast. Kappast verður víðari í øðrum greinum, hesar næstu dagarnar.
Category: Havsvimjing
Jonna 1:17.21 og bronsu á DM í 5 km Open Water 2025
Jonna Joensen (2005, Ægir) megnaði í dag at svimja seg til flott bronsuheiðursmerki á donsku meistarastevnuni í Open Water 2025, tá ið hon í kappingini í 5 km svam seg til úrslitið 1:17.21. Sí úrslitalistan her
Jonna til DM í Open Water 2025
Danir skipa í dag fyri donsku meistarastevnuni í Open Water 2025, við luttøku av í øllum einum føroyskum svimjara. Jonna Joensen (2005, Ægir) hevur fráboðað luttøku í ‘premasters’-bólkinum á 5km teininum, sí luttakaralistan her.
Kappast verður framvið ‘Honnørkajen’ í Aalborg nær Límfjørðsbrúnni, frá kl 15 danska tíð sum er frá kl 14 her í Føroyum. Sjóhitin í Aalborg sær út til at verða undir 18 hitastig í dag, har tey hava áseting um at undir 19 hitastig krevur vátdrakt.
Væleydnað luttøka á EM í Open Water 2025
EM í Open Water var í Stari Grad á oynni Hvar í Kroatia nú hin 28. til 31. juni 2025, við eisini føroyskari luttøku. Tað gekk sera væl, nú okkara fingu úrslit í øllum teimum kappingum sum tey luttóku í, hóast at vera klárt í yngra endanum, og hóast at vit eru rættiliga óroynd í hesum.
Her eru nakrar myndir sum myndafólk hjá evropeiska svimjisambandinum hava tikið, frá stevnuni. Úrslitini síggjast her hjá European Aquatics
Images courtesy of European Aquatics / Antonella Mannara
Her er video frá liðsvimjingini, har man viðhvørt sær føroyingarnar
Kunning um EM í Open Water 2025
Evropeiska svimjisambandið skipar hin 28. til 31. mai 2025 fyri EM í Open Water í Stari Grad á oynni Hvar í Kroatia, eftir ætlan við eisini luttøku av føroyskum svimjarum. Nú finst kunningarfaldarin her á heimasíðuni hjá European Aquatics
Úttøkuskipan til EM í Open Water 2025
Her er úttøkuskipanin til EM í Open Water 2025, sum verður í Stari Grad á oynni Hvar í Kroatia hin 28. til 31. mai 2025.
Svimjing um Vánna á Sjómannadegnum 2023
Ægir skipaði í gjár fyri svimjing um vánna í Klaksvík, sum partur av Sjómannadegnum 2023. Tilsamans vóru tey 10 sum svumu um Vánna, hesuferð, harav Jonna Joensen og Heini M. Askham vunnu hvør sína fína snildtelefon.
Ólavsøkusvimjing 28. juli 2022 aftaná kappróðurin
FYRI TÓLVTU FERÐ – GEVIÐ GÆTUR, AT TILMELDINGARFREISTIN ER Í DAG
Tilmelding
Tilmelding til svimjingina á ólavsøku fer fram í seinasta lagi 26. juli við at flyta kr. 250,- á kontu hjá Havnar Svimjifelag 9181-374.480.0. Viðmerk NAVN á svimjara og FØÐIÁR. Vit skulu brúka føðiárið til at bólkabýta úrslitið.
Continue reading Ólavsøkusvimjing 28. juli 2022 aftaná kappróðurin
Úrslit frá Tróndarsvimjingini 2022
Her eru úrslitini frá svimjingini tvørtur um Skálafjørð í gjár, leygardagin hin 30. apríl 2022, sum Svimjifelagið FLOT og Runavíkar kommuna skipaðu fyri. Teinurin var frá Akkersvík á Skála til pierin á Skipanesi, sum var 1.2-1.3 km at svimja. Tilsamans vóru tey 23 sum løgdu til brots, og øll sum gjøgnumførdu teinin.
Forvitnislig 4×1500 liðsvimjing á sjónum í Abu Dhabi
Altjóða svimjisambandið FINA fer nú mikudagin hin 15. desember at royna eina heldur serliga kapping í svimjing á sjónum, har tey skulu kappast tvær kvinnur og tveir menn fyri hvørt land í 4×1500 metra liðsvimjing. Kappingin byrjar kl 08:00 føroyska tíð, og kann síggjast her á YouTube