Góðu svimjifeløg í Føroyum,
Vit vilja aftur í ár bjóða tykkum á Galla veitslu., sum verður hildin leygarkvøldið 15. november kl. 18. Vit fingu góðar afturmeldingar í fjør, og halda sjálvi tað eydnaðist orduliga væl – tí vóna vit, at vit aftur í ár kunnu fáa eitt stuttligt og hugnaligt kvøld saman.
Svimjisamband Føroya skipaði nú leygardagin 20. september fyri forfólkafundi, har umboð fyri feløgini og SSF umrøddu ymisk felags viðurskifti. Tað varð ein góður dagur frá 10 til 16, við áhugaverdum innsløgum og góðum kjaki.
Skráin var í høvuðsheitum
Forfólkafundirnir eru nú vanliga í september og januar, um ikki okkurt serligt er áfatt.
Tað frættist úr Suðuroy, at tey í dag hava skrivað sáttmála við Jón Bjarnason, at verða høvuðsvenjari aftur hjá Suðuroyar Svimjifelag. Jón hevur verið burturi frá felagnum har suðuri í eina tíð, men hevur tó verið virkin í svimjingini, sum lærari á Ítróttaháskúlanum í Suðuroy, og sum landsliðsvenjari og limur í svimjinevnd SSF.
Suðuroyar Svimjifelag ella sum vit lokalu siga “SuSvim” søkir nýggjan høvuðsvenjara.
Svimjisamband Føroya er sum fráboðað eitt av londunum sum hevur undirskrivað inklusjóns-yvirlýsingina hjá European Aquatics, og eru vit nú 23 av 52 londum sum taka undir við hesi áskoðan. Sí tíðindabrævið her
Starvsnevnd SSF hevur samtykt at broyta okkara Reglugerð fyri Meistastevnur, so at FM á stuttgeil sambært reglugerðini framyvir kann vera eisini í desember mánaða, og FM á langgeil eisini í juli mánaða. Hetta sum umrøtt undir ymiskt á aðalfundi SSF herfyri.
Svimjisamband Føroya hevði hin 20. mars 2025 sín árliga aðalfund, í ÍSF-húsinum á Eystaru Bryggju í Havn. Á skránni var útyvir forfólkafrágreiðing og framløga av roknskapinum, eisini innkomin mál frá starvsnevndini, val av næstforfólki, skrivara og tiltakslimi, og kunning, spurningar og kjak undir ymiskt.
Svimjisambandið sendi í gjár inn viðfestu inklusjóns-yvirlýsing til evropeiska svimjisambandið European Aquatics, sum heitt á okkum av teimum. Hetta sum samtykt av starvsnevnd SSF, við kunning til aðalfund SSF.
Altjóða svimjisambandið hevur nú lagt út dagførdan lista yvir altjóða yvirdómarar og startar, sum m.a. er víðkaður við tveimum føroyingum afturat.
Rakul í Lágabø er nýggjur altjóða yvirdómari, og John D. Olsen nýggjur altjóða startari, og hava vit sostatt nú 4 altjóða yvirdómarar og 3 altjóða startarar.
Hug at royna teg sum høvuðsvenjari á Akureyri í Íslandi?
Sí viðfestu starvslýsingar á enskum og svenskum.
