VP.fo hevur søguna, sí eisini Faroe Olympic á Twitter og hendan faldara
Category: Felagsskapur
Væleydnað SSF ráðstevna við Gjógv
Svimjisamband Føroya skipaði nú í vikuskiftinum fyri ráðstevnu í Gjáargarði við Gjógv, fyri nevndarlimum í SSF og føroysku svimjifeløgunum, umframt umboðum fyri Svimjiskúla Føroya. Hetta gjørdist nakrir sera produktivir dagar, við fokus á serliga tað sum skal gerast hetta komandi árið og fram til summarið 2019.

Langhylurin komin í langdrag
Bæði vit í Havnar Svimjifelag og stóra fjøldin av virknum svimjarum í Tórshavnar kommunu settu sítt álit á, at nú ein fyrrverandi elitusvimjari settist í borgarstjórasessin, so fór ætlanin at byggja ein langhyl í Gundadali at halda. Vit hugsaðu øll, at nú kundi einki seinka byggingini. Tí fingu vit sum vátan vøtt frammaná henda dagin, tá býráðsmeirilutin boðaði frá, at ætlanin nú verður útsett. Kundi tað hugsast, at gamli landsliðssvimjarin í borgarstjórasessinum hevði gloymt svimjingina, ella var hon komin í minniluta í sínum egna meiriluta?

FINA fegnast um ‘Girl Power’ á World Cup 2017
Tað er altjóða gentudagur í dag, og feirar FINA nú hetta við hesi video frá fyrstu World Cup stevnum í ár, har serliga kvinnur gjørdu vart við seg.
Continue reading FINA fegnast um ‘Girl Power’ á World Cup 2017
Dagførdir skeiðshaldarar hjá Svimjiskúla Føroya
Svimjisamband Føroya skipaði í vikuskiftinum fyri skeiði fyri skeiðshaldarar hjá Svimjiskúla Føroya, sum er tað sum vit eisini kenna sum ‘Merkjaskipanin’. Hetta var eini endurtøka av tilsvarandi skeiði í 2007, við norska Per Irgens sum undirvísara.

Continue reading Dagførdir skeiðshaldarar hjá Svimjiskúla Føroya
Dómaraskeið í ÍSF-húsinum 20. mars 2017
Svimjisamband Føroya skipar nú í annaðkvøld hin 20. mars fyri dómaraskeiði frá kl 19 til 21 í ÍSF-húsinum, við yvirdómarar Dan Hjelm og Rúna Gaardbo sum undirvísarar. Hetta í sambandi við FM á stuttgeil 2017, sum verður í Svimjihøllini í Gundadali komandi vikuskifti hin 24. til 26. mars 2017.

Væleydnað SSF-ráðstevna í Skálavík
Svimjisamband Føroya skipaði sum kunnugt fyri ráðstevnu nú í vikuskiftinum, fyri nevndarlimum í svimjifeløgum og sambandinum. Endamálið var at fáa fram hvat ið vit ynskja við føroyskari svimjing, og halda vit sjálvi at tað eydnaðist sera væl.

Stór svimjiráðstevna í Skálavík í vikuskiftinum
Svimjisamband Føroya skipar nú 24. til 26. februar fyri ráðstevnu í Hotel Skálavík, fyri serliga nevndarlimum í svimjisambandi og svimjifeløgum. Eini 30 fólk fara við hjálp frá sálarfrøðinginum Helga Rasmussen at brúka vikuskiftið uppá at viðgera, hvat ið vit ætla við føroyskari svimjing, og hvussu vit koma hagar.
Continue reading Stór svimjiráðstevna í Skálavík í vikuskiftinum
ÍSF søkir eftir aðalskrivara
Sí isf.fo/starv

Norðurlendsk ráðstevna um lívbjarging
Hesar tveir næstu dagarnar er norðurlendsk ráðstevna um lívbjarging, har eisini føroyingar luttaka.
Hetta í Idrættens Hus í Brøndby,í forleingilsi av ráðstevnuni um skúlasvimjing.
Úr Føroyum luttaka Sørin S. Djurhuus og Djóni Dalsgarð, sum umboð fyri Svimjisamband Føroya.
Vit sum vóru á ráðstevnu um svimjiførleika vita, at her er nógv spennandi í umbúna.



