Author: admin

Tær báðar Bjarta í Lágabø og Jórun Winther vinda burtur úr hinum í sínum aldursbólkum á Køge Open 2023, fyrst í teimum kappingum sum verða avgreiddar í leypi av innleiðandi riðlunum í Køge og Herfølge, og síðani aftur í finaluriðlunum í Køge. Einar 5 gull og 1 bronsu varð tað til, nú í kvøld.

Tað gongur sera væl hjá eisini teimum ungu svimjarunum úr Havnar Svimjifelag, nú á Køge Open 2023, har nógv heiðursmerki vórðu vunnin fyrst í Herfølge í morgun, og síðani í Køge Svømmehal í kvøld.

Her eru nakrar myndir frá Sólrun Winther í Suðuroyar Svimjifelag, frá heiðursmerkjahandanum í svimjihøllini í Herfølge í morgun. Tað var kapping fyri tey yngru á Køge Open 2023, umframt at har vóru innleiðandi riðlar eisini til finalukvøldið í Køge Svømmehal í kvøld.

Lea Osberg Højsted (2008) úr Ægir vann í morgun gull á Køge Open 2023, tá ið hon í 200 metra bringusvimjing svam seg til úrslitið 2:43.37. Hetta var í aldursbólkinum 16 ár og eldri. Nakað áðrenn svam hon seg víðari til finaluna í 50 metra bringusvimjing í kvøld, við fjórbestu tíð 35.10.

Tað gekk bara heilt væl hjá Bjartu í Lágabø (2009) úr Suðuroyar Svimjifelag, nú tey avgreiddu fyrstu kappingar á Køge Open 2023. Hon luttók 3 ferðir og vann gull 2 ferðir, umframt at hon í triðju kappingini svam seg víðari til finalu við bestu tíð av øllum í hennara aldursbólki

Hetta vikuskiftið eru einir 29 føroyskir svimjarar í Danmark og kappast, á árligu svimjistevnuni Køge Open í Køge og Herfølge.

Startlistin til svimjstevnuna í Køge Svømmeland sæst her, meðan tann til Herfølge Svømmehal sæst her.

Her er innbjóðing til svimjistevnu í Fuglafirði hin 2. desember 2023, sum Fuglafjarðar Svimjifelag skipa fyri okkara yngstu aldursbólkar 1 til 4.