Lea Osberg Højsted (2008, Ægir) megnaði í kvøld at svimja seg til stórt føroyskt met og juniormet í 200 metra bringusvimjing, tá ið hon í finaluni á NJM 2024 svam seg til úrslitið 2:31.59. Sí úrslitalistan her á Swimify
Lea átti sjálv føroyska metið á 2:33.17, frá FM á stuttgeil í november mánaða, umframt tað áðrenn sum var 2:34.89 frá Ægir Open í oktober mánaða.
Líggjas Joensen (2008, Ægir) megnaði í kvøld at vinna gull á Norðurlendsku JuniorMeistarastevnuni 2024, tá ið hann í finaluni í 400 metra frísvimjing svam seg til úrslitið 3:50.73. Sí úrslitalistan her á Swimify
Hetta er fyrsta føroyska gullmerki á NM/NJM síðani 2019, og fyrsta á NJM síðani 2011.
Norðurlendska Meistarastevnan byrjaði við innleiðandi riðlum í morgun, og fingu vit nakrar svimjarar víðari til finalur bæði á NM og NJM 2024, umframt nøkur persónlig met.
Líggjas Joensen (2008, Ægir) og Lea O. Højsted (2008, Ægir) liggja væl fyri til heiðursmerki; men kappingin er hørð.
Hartil hava Isak Brisenfeldt (2006, HS) og Áki Eliassen (2006, HS) sjálvsagt ein kjans, við tað at teir komu víðari til finalu.
Tað gongur strálandi hjá føroysku svimjarunum á Køge Open 2024 í Køge og Herfølge, og fari eg tí at royna at gera eitt yvirlit her. Kanska onkur rættar, um okkurt heiðursmerki er gloppið ella skrivað skeivt.
Í morgin ári byrjar Norðurlendska Meistarastevnan og JuniorMeistarastevnan 2024, við luttøku av eisini 14 føroyskum svimjarum. Kappast verður morgun og kvøld í tríggjar dagar, sunnumorgun 1. til týsdag 3. desember, við beinleiðis stroyming her á SvømTV, og startlistum og úrslitum her á Swimify
Hetta vikuskiftið er Køge Open 2024, við luttøku av eisini nógvum føroyskum svimjarum. Startlistarnir eru tøkir á Swimify, har úrslit eisini fara at kunna finnast.
Her er innbjóðing til svimjistevnu í Fuglafirði hin 7. desember 2024, sum Fuglafjarðar Svimjifelag skipa fyri okkara yngstu aldursbólkar 1 til 4.
Norðurlendska Meistarastevnan og JuniorMeistarastevnan 2024 byrjar nú sunnudagin hin 1. desember, við luttøku av eisini føroyingum. Tað sær út til at serliga Líggjas Joensen (2008, Ægir) og Isak Brisenfeldt (2006, HS) hava møguleika fyri heiðursmerkum; men kappingin er hørð.
Elisabeth Erlendsdóttir (2005, HS) royndi seg í vikuskiftinum á “2024 Georgia Tech Fall Invitational”, og svam seg har til rættiliga skjót úrslit. Millum annað var hon skjótast í B-finaluni í 200 yard rygg, við tíð sum hevði rokkið til eitt 6. pláss í A-finaluni. Sí viðfesta úrslitalista.
Tey bæði Líggjas Joensen (2008, Ægir) og Jonna Joensen (2005, Ægir) fara at royna seg á Aalborg Cup 2024, nú í vikuskiftinum, við Aalborg Svømmeklub. Líggjas er meldaður til í 200 blandað og 100 firvald, meðan Jona er tilmeldað í 50, 100 og 200 firvald og rygg. Sí Swimify
