Líggjas Joensen (2008, Ægir) svam seg á Vest Junior/Senior Langbane 2026 í morgun til úrslitið 51.91 í 100 frí, sum er ájavnt við føroyska juniormetið hjá Magnusi Jákupssyni frá 2012. Hetta í innleiðandi riðlunum, so at Líggjas kann royna aftur í A-finaluni seinnapartin. Sí úrslistalistan her á Swimify
Úrslitið 51.91 gevur 737 AQUA-stig, sum er væl undir kravið hjá SSF til EJM 2026 á 700 AQUA-stig (52.25). Kravið til EM 2026 er 750 AQUA-stig (51.06), men har hevur Líggjas longu klárað kravið í 200 og 400 frí.
Bartal E. Eidesgaard (2003, HS) eigur føroyska metið í 100 frí, sum er 51.84 frá EM U23 í Slovakia í fjør.
