Pál 3:51.45 og silvur á Danish Open 2014

Pál Joensen vann fyri løtu síðani silvurheiðursmerki á Danish Open 2014, tá ið hann í hylinum í Bellahøj svam teinin uppá 3:51.45, aftanfyri Mads Glæsner á 3:50.59 og frammanfyri Anton Ørskov Ipsen á 3:51.94. Frans Johannesen varð nr 6 við tíðini 3:58.80. Sí úrslitalistan her.

Pál legði varliga út við einum 7. plássi eftir fyrstu 50, men svaraði aftur og lá fremst við 100 og 150 metrum, áðrenn fyrst Anton Ørskov Ipsen og Mads Glæsner tóku yvir á 200 og 250 metrum, og síðani Mads aleina við 300 og 350 metrum.

Tíðin 3:51.45 er hin 6. skjótasta hjá Páli nakrantíð, og triðbesta sum hann hevur svomið í stuttibuksum. Í fjør svam Pál 3:54.95 á Danish Open.

Ger viðmerking

This site uses Akismet to reduce spam. Learn how your comment data is processed.