Mentor hjá Google monnunum druknaður

Rajeev Motwani varð síðsta fríggjadag funnin deyður á botninum av sínum egna svimjihyli, mest sannlíkt tí hann gleið og datt í hylin. Hann var 47 ára gamalur, og dugdi ikki at svimja, men ætlaði sær at læra tað. Google stjórin Sergey Brin skrivar her á bloggu síni, um hvussu hesin maður stuðlaði honum og Larry Page í stovnanini av Google, og um hvussu “Today, whenever you use a piece of technology, there is a good chance a little bit of Rajeev Motwani is behind it”.

(Picture Credit: Stanford University)

Kanska eitt sindur løgin og tung tíðindi at bera á eini svimjiheimasíðu sum hesari. Men eg haldi tó so at tey eru týðandi, til at minna okkum á grundleggjandi týdningin av at duga at svimja, og av at vísa varsemi runt vatn. Lærið at svimja, og roynið tó altíð at vera minst tvey, í hylinum, á havinum, ella hvar tað nú er vandi fyri drukning. Tí eingin av okkum dugir at svimja, tá ið fyrst vit hava mist vitið.

Ger viðmerking

This site uses Akismet to reduce spam. Learn how your comment data is processed.