Manaudou velur kærleikan fram um svimjing

Ok, nú hava tey slatrað glamour-aktigt í skjótt eina viku, og eg má tí heldur skriva okkurt um tað her eisini. Franska svimjistjørnan Laure Manaudou hevur valt at gevast við venjingini í Fraklandi, fyri heldur at búgva í Italiu og royna at fáa børn saman við sjeiki sínum. Hon roynir at finna eitt felag har at venja við, men tað er løgið nokk torført, hóast hon jú er heimsmeistari í 200 og 400 frí.

Leygardagin tráspurdu franskir fjølmiðlar Manoudou, í sambandi við at hon var farin at vitja sjeikin hjá sær í Italia. Hon segði at hon ikki ætlaði sær at flyta til Italiu, men longu mánadag væntaðu fjølmiðlar at fáa eina fráboðan um at hon fór at flyta. Stóri spurningurin var sjálvsagt eisini um hon fór at droppa venjaran Philippe Lucas, sum hon annars hevur vant hjá í nógv ár.

Týsdag fortelur hon so alment at hon gevst við venjingini í Frankaríki, fyri at búgva hjá sínum stóra kærleika Luca Marin, sum hon ætlar sær at fáa barn við. Og at hon nú leitar eftir einum nýggjum venjara í Italia. Sjeikurin svimur eisini á høgum støði, men venjarin har vil ikki røra Manaudou, fyri ikki at gerast óklárur við franska svimjisambandið. Í øllum førum ikki uttan so at hon skiftur nationalitet til Italia (sum um at tað skuldi gjørt franskmenn glaðari).

Tað nýggjasta er so at hon í dag flýgur aftur til Fraklands, í privatflogfari saman við sakførara sínum, fyri at fara at tosa við sín gamla venjara og umboð úr svimjifelagnum í Canet. Ein pressukonferensa verður so aftaná.

2 thoughts on “Manaudou velur kærleikan fram um svimjing”

  1. Ups, tað gekk annars so væl at skiljast í sátt og semju… so væl at SwimNews her rósti venjaranum Lucas við orðunum: “Asked whether Manaudou would continue to win he said: “I couldn’t even say whether she would win when I trained her”. Manaudou, of course, has a right to do as she pleases, but what a way to say Merci! If anyone emerges from today’s events with dignity, it is surely Lucas. “

    Meen, í dag endurgevur Eurosport her Lucas fyri at hava sagt: “”The real reason she is leaving is that she wants to work less”

    Tað fer nokk ikki at fella í góða jørð hjá frk Manaudou.

Ger viðmerking

This site uses Akismet to reduce spam. Learn how your comment data is processed.