Astrið 29.06 og nýtt føroyskt met í 50 firvald

Astrið Foldarskarð setti fyri løtu síðani nýtt føroyskt met í 50 metra firvaldasvimjing á langgeil, tá ið hon í innleiðandi riðlunum á Danish Open 2013 svam teinin uppá 29.06 sekund, har metið hjá Kristinu Elin Thomsen frá NMU 2012 var 29.23 sekund. Hon er sostatt eisini víðari til hálvfinalu seinnpartin, við 11. bestu tíð av teimum 25 sum luttóku. Sí úrslitalistan her.

astrid-danish-open-2013

(Astrið á Danish Open 2013. Dan Hjelm eigur myndina)

Kristina Elin svam 29.56, og varð nummar 14 saman við tveimum øðrum svimjarum. So vítt eg dugi at síggja eru tey tó bara 12 sum fara víðari til hálvfinalu, hóast har eru 16 pláss í teimum báðum riðlunum, so hon varð tí akkurát ov stutt.

One thought on “Astrið 29.06 og nýtt føroyskt met í 50 firvald”

Ger viðmerking