Tá ið tað nú gekk so væl hjá serliga Sáru á Norðurlendsku Meistarastevnuni fyri Ung, so freistast man til at hugsa at stevnan kanska var lættari, onkunsvegna, til dømis tí at NMU annaðhvørt ár kappast við EYOF (European Youth Olympic Festival), sum í ár er í Tbilisi í Georgia.
Men so er ikki. Hóast tað ikki finnast stevnumet sum so frá NMU, so eru vinnaratíðirnar frá seinastu 6 árunum ein greið ábending um, at toppstøðið er sum onnur ár.
Avrikið í Jönköping er uttan iva hitt besta nakrantíð sum Føroyar hava fingið á Norðurlendsku Meistarastevnuni fyri Ung, og er tað serliga Sáru Ryggshamar Nysted úr Suðuroyar Svimjifelag fyri at takka. Einsamøll vann hon 5 gullheiðursmerki og 1 úr silvuri, sum samstundis er greitt besta úrslit sum nakar einstakur føroyingur hevur vunnið á NMU.
Continue reading Besta føroyska úrslit nakrantíð á Norðurlendsku Meistarastevnuni fyri Ung
Sára Ryggshamar Nysted vann fyri løtu síðani í stórum stíli sítt fimta gullheiðursmerki á Norðurlendsku Meistarastevnuni fyri Ung 2015, tá ið hon í 200 metra blandaðari svimjing svam teinin uppá 2:24.85. Danska Mia Steen Duus vann silvur við 2:27.47 og finska Mia Pentti bronsu á 2:30.50. Sára svimur fyri Suðuroyar Svimjifelag, og eigur sjálv føroyska metið og juniormetið á hesum teininum, sum er 2:23.67 frá Danish Open í mars mánaða. Sí úrslistalistan her
Continue reading Sára 2:24.85 og gull í 200 blandað á NMU 2015
Sára Ryggshamar Nysted úr Suðuroyar Svimjifelag vann tíðliga í morgun sítt fjórða gullheiðursmerki á Norðurlendsku Meistarastevnuni fyri Ung 2015, sum er í Jönköping í Svøríki. Hetta í 400 metra frísvimjing, har hon svam teinin uppá 4:31.46, ið er nýtt føroyskt juniormet. Vár Erlingsdóttir Eidesgaard úr Havnar Svimjifelag varð nr 6 við nýggjum persónligum meti á 4:38.47.
Continue reading Sára gull og juniormet í 400 frí á NMU 2015
Sára Ryggshamar Nysted megnaði enn einaferð at vinna gull á norðurlendsku meistarastevnuni í svimjing, tá ið hon løtu aftaná at hava vunnið gull og sett føroyskt met í 400 metra blandað, gjørdi tað aftur í 200 metra frísvimjing. 2:07.54 og gull til Sáru, Suðuroyar Svimjifelag og Føroyar, frammanfyri donsku Amalie Søby Mortensen á 2:07.65 og Louise Back Andersen á 2:09.49, við eini tíð sum er nýtt føroyskt met og juniormet. Vár Erlingsdóttir Eidesgaard varð akkurát ov stutt til heiðursmerki, við 2:10.19 og einum fjórðaplássi. Sí úrslistalistan her
Continue reading Sára 2:07.54, NMU gull og føroyskt met í 200 frí
Sára Ryggshamar Nysted vann aftur nú seinnapartin eitt gullheiðursmerki á norðurlendsku meistarastevnuni í svimjing, tá ið hon í Rosenlundsbadet í Jönköping svam 400 metra blandað við risastórum nýggjum føroyskum meti, 5:08.00 har hennara føroyska met frá Danish Open í mars mánaða var 5:13.91. Donsku Mia Steen Duus og Laura Findahl Andersen vunnu ávikavíst silvur og bronsu, við 5:09.54 og 5:09.76. Sí úrslitalistan her
Føroyar vunnu fyri løtu síðani gull og silvur á Norðurlendsku Meistarastevnuni fyri Ung 2015, tá ið Sára Ryggshamar Nysted úr Suðuroyar Svimjifelag og Vár Erlingsdóttir Eidesgaard úr Havnar Svimjifelag sumu 800 metra frísvimjing uppá ávikavíst 9.23.65 og 9:25.45. Tíðin hjá Sáru er nýtt føroyskt juniormet, og danska Silja Nielsdóttir Hansen við føroyskum ættarbondum vann bronsu.
Kunning vegna Svimjisamband Føroya
Starvsnevnd SSF avgjørdi á fundi í gjárkvøldið at taka út fylgjandi svimjarar til Norðurlendsku Meistarastevnuna 2015, sum verður í Jönköping í Svøríki frá 11. til 12. juli 2015.
Úttøkan er fyrst og fremst grundað á FINA stig rokkin í hesum ári, har vit sum undanfarin ár hava valt 500 FINA stig at vera lægstamark.
