Mie Ø. Nielsen – Page 2

Wildeboer: Ov tíðliga hjá Mie at velja sergrein

Áhugaverd grein her á Politiken, har niðurlendski landsliðsvenjarin hjá Danmark, Paulus Wildeboer, metir um framtíðarmøguleikarnar hjá Mie Ø. Nielsen innan altjóða svimjing. Hann heldur at hon hevur valt (ella hevur verið við at velja) sergrein ov tíðliga, til tær stytru crawl og rygg, og at tey tí hava fingið hana at svimja aðrar og longri greinar eisini, so sum 800 frí og 400 blandað. At hon skal fyrst velja sergrein í 2014 ella 2015, tá ið hon er eini 18-19 ár. Og at hóast hon er so gávað við talenti og møguleikum, so er tað tó so enn torført at meta um, hvussu langt tað kann røkka.

»Jeg synes, Mie for tidligt har specialiseret sig i nogle korte løb. Derfor har vi også fået hende til at svømme andre discipliner som 800 meter fri og 400 meter medley, og jeg synes allerede, det har haft effekt« … »Hun er begavet med et stort talent og har et enormt potentiale, som skal udvikles, men hvor langt hun kan nå, er det svært at sige noget om«

Mie Ø. Nielsen er ársins ‘fund’ í donskum ítrótti

Politiken hevur í kvøld skýrt stjørnuskotið Mie Ø. Nielsen at vera ársins ‘fund’ í donskum ítrótti, frammanfyri bestu kandidatum úr ítróttum sum fótbólti, hondbólti, súkkling og frælsum ítrótti. Tað eru Danmarks Idrætsforbund, Team Danmark og ítróttarserfrøðingar á Politiken sum velja bestu nýggju íðkarar; Mie hevði ikki sjálv væntað meira enn at verða onkunstaðni millum nr 4 og 10, men er nú 11. svimjari sum fær æruna, har pápi hennara Benny Nielsen var tann sætti í 1986. Gott at síggja at danskir miðlar seta prís uppá síni ítróttarfólk. Les her á Politiken og sí video.

Mie Ø. Nielsen bronsu á EM í Stettin

15 ára gamla svimjifenomenið Mie Ø. Nielsen megnaði í kvøld at vinna sítt fyrsta evropeiska seniorheiðursmerki, tá ið hon í 100 rygg setti danskt met við tíðina 57.57. Sí úrslitalista her.

Mie er eisini í hálvfinaluni í 100 blandað í kvøld, og er fyrsti svimjari í 4×50 blandað. Og her í 4×50 frí innleiðandi í morgun, setti hon nýtt danskt juniormet í 50 frí, við 24.81 (!)

Mie morlar alt sundur á DMK 2011

Juniorurin Mie Ø. Nielsen snøgt sagt hølvar alt av í teimum greinum sum hon luttekur í, á donsku meistarastevnuni á stuttgeil. Fyrst setti hon juniormet í 100 blandað í innleiðandi riðlunum við 1.01.55, og so lammaði hon tað niður á 59.97 í finaluni, og varð danskur seniormeistari frammanfyri Jeanette Ottesen, Rikke Møller Pedersen, Kathrine Holm Sørensen og Pernille Blume. Løtu seinni tók hon so juniormetið frá Pernille Larsen í 100 rygg við einum hálvum sekundi, tá ið hon vann 100 rygg eisini hjá seniorum við 58.86, við Pernille Larsen sum nummar 2 á 1:01.02.

Continue reading Mie morlar alt sundur á DMK 2011

Donsku kvinnurnar fara eftir OL plássi í 4×100 frí

Donsku kvinnurnar fara sunnudagin eftir einum OL plássi í 4×100 frí. Landsliðsvenjarin Paulus Wildeboer metur at tær hava ein møguleika at verða millum 12 tey skjótastu liðini, ið undir HM gevur atgongd til OL 2012. Liðið verður mannað av Lotte Friis, Jeanette Ottesen, Pernille Blume (16 ár) og Mie Ø Nielsen (14 ár). Jeanette Ottesen skal haraftrat luttaka í 100 firvald sunnudagin, ið er hennara OL vón sum einstaklingur, meðan Lotte Friis luttekur í 400 frí. Ikki kann sigast annað enn nógv stendur uppá spæl hjá donsku kvinnunum fyrsta dagin í hylinum.
Continue reading Donsku kvinnurnar fara eftir OL plássi í 4×100 frí

On-Sport.dk tosar við Mie Ø. Nielsen

Danska ítróttarrásin www.on-sport.dk tosar her við Mie Ø. Nielsen, sum vann 7 gullheiðursmerki á NJM 2010, hóast hon hoyrdi til yngra árgangin av teimum báðum sum kundu luttaka tá. Tey tosa eisini við íslendska venjara hennara Eyleifur ‘Leivi’ Jóhannesson, og við pápan Benny Nielsen sum vann silvur á OL í Beijing í 1988. Annars áhugavert at hoyra um hasa skipanina hon kann brúka, við serligum úrvalsítróttarflokki í fólkaskúlanum, til at kunna venja so nógv afturat skúlagongdini.

Mie Ø. Nielsen 1:59.66 í 200 frí

Unga Mie Ø. Nielsen megnaði á “Vestdanske Kortbanemesterskaber” í vikuskiftinum at svimja 200 frí uppá 1:59.66, sum var skjótari enn nakar juniorur ella seniorur á bæði vesturdonsku og eysturdonsku meistarastevnuni. Tíðin er bara 0.17 hundraðpartar frá danska juniormetinum hjá Lotte Friis, hóast at Mie sum árgang 1996 hevur ríkiliga tíð eftir í juniorbólkinum. Mie luttekur á World Cup í Stokkhólmi í vikuskiftinum, í netupp 200 frí, umframt í 400 frí, 100 rygg og 200 rygg.

Mie Ø. Nielsen nominerað at vinna 100.000 kr

Tey duga at heiðra síni talent í Norður-Jútlandi, nú unga Mie Ø. Nielsen at vinna “Nordjyskes idrætspris” og 100.000 krónur, fyri sínar skreytir í seinastuni. 13 ára gamla Mie vann sum kunnugt sítt fyrsta danska seniormeistaraheiti á páskum, og hevur eisini klárað seg væl millum annað á Bergen Swim Festival her í vikuskiftinum, har hon við 1:04.88 svam klárt bestu tíð av øllum kvinnum í 100 blandað. Kappingarneytarnir hjá Mie at vinna hesar nógvar pengar, eru ein boksiklubbur og onkur sum hevur verið instruktørur í 60 ár. Lesið her á SwimNews.dk