Markus Joensen luttók fyri løtu síðani í innleiðandi riðlunum í 200 metra bringusvimjing á evropeisku juniormeistarstevnuni á langgeil, og gjørdist hann har nummar 41 við tíðini 2:36.87. Besta tíð hjá honum er hansara juniormet frá 2:32.59 frá NMU 2012 í fjørsummar. Sí úrslitalistan her.
Markus Joensen hevur í morgun luttikið í 50 metra firvaldasvimjing á evropeisku juniormeistarastevnuni í Poznan, og gjørdist hann har nummar 60 av 61 við tíðini 26.65, eitt lítið vet seinni enn hansara tilmeldingartíð á 26.62. Sí úrslitalistan her.
Markus Joensen úr Havnar Svimjifelag megnaði í gjárkvøldið at seta nýtt føroyskt juniormet í 50 metra bringusvimjing, tá ið hann í finaluni á FM/JM 2013 svam teinin uppá nágreiniliga 30.00 sekund. Einans Pál Joensen var skjótari við 29.12, so eitt flott silvurmerki til Markus í hesi grein. Sí úrslitalistan her.
Markus Joensen úr Havnar Svimjifelag setti fyri løtu síðani nýtt føroyskt juniormet í 100 metra bringusvimjing, tá ið hann á FM/JM 2013 svam teinin uppá 1:05.82, har metið hjá honum frá stevnu í Vági í mars 2013 var 1:06.26. Markus fer víðari til finaluna í kvøld við bestu tíð ímóti serliga Bartali Hestoy og Páli Joensen, sum tóku sær eitt sindur meira av løttum í morgun. Sí úrslitalistan her.
Bartal Hestoy setti í morgun nýtt føroyskt met í 100 metra bringusvimjing á langgeil, tá ið hann á Actavis International 2013 í Íslandi svam teinin uppá 1:08.84, har metið hjá Markusi Joensen var 1:09.91. Um kvøldið var tað tó Markus Joensen sum svam skjótari, tá ið hann vann silvur við nýggjum føroyskum juniormeti 1:08.93, Bartal tá bronsu við 1:09.58. Sí úrslitalistan her
Continue reading Bartal Hestoy og Markus Joensen met í Íslandi í dag
Markus Joensen megnaði í dag at seta nýtt føroyskt juniormet í 100 metra bringusvimjing, tá ið hann á BankNordik-stevnuni í Vági svam teinin uppá 1:06.26, har metið hjá Jón Hofgaard frá landsdysti ímóti Íslandi í 2010 var 1:06.50. Óført svomið av unga svimjaranum úr Havnar Svimjifelag.
Jón Bjarnason heldur um metið hjá Markusi …
Hann svam sera gott í dag, 5 tøk fyrsta 25m so 7 so 8 og so 9 seinasta 25m.
Hann er kanska ikki sterkur nokk til 9 tøk, og eg giti at hann fór
undir 1:06 um hann helt seg á 8 tøkum.
Tíverri havi eg ikki video… men hetta er ein framtíðar maður um hann
blívur eitt sindur sterkari.
Ungi havnarmaðurin Markus Joensen megnaði í dag at svimja seg víðari til finalu í 50 metra bringusvimjing, á íslendskumeistarastevnuni á langgeil sum er í Reykjavík í hesum døgum. Tíðin hjá honum var 32.91, kravtíðin til at seta føroyskt juniormet er 32.32, og føroyska metið hjá Paula Ø. Mohr 31.39. Finalan verður seinnapartin í dag, SportTV sendir beinleiðis frá finalunum frá kl 18:30 føroyska tíð.
Ókey, tað gekk ikki eftir vild hjá Markusi Joensen á íslendsku meistarastevnuni í kvøld – eftir at hava sett føroyskt met í innleiðandi riðlunum í morgun, so varð hann kolldømdur í finaluni fyri okkurt ótilskilað. Tað sær annars út til at hann svam ímóti einari ógvuliga góðari tíð, tí heldur ótraditionelt verða splitt-tíðirnar vístar her á úrslitalistanum, sum samanlagt geva tíðina 2:36.09 og bronsu … um altso hann ikki varð kolldømdur.
Splitt-tíðir frá innleiðandi og finalu:
Markus Joensen hevur í morgun megnað at sett nýtt føroyskt met í 200 metra bringusvimjing, á íslendsku meistarastevnuni á langgeil, við tíðini 2:37.87 har metið hjá Jákupi Øssurssyni frá Euro-Meet í Luxembourg í 2006 var 2:38.20. Markus svimur fyri Havnar Svimjifelag, og við tað at hann er árgang 1996, so er tað lættliga eisini nýtt føroyskt juniormet. Hetta var í innleiðandi riðlunum, har hann varð nummar 2 aftanfyri bara Jakob Jóhann Sveinsson, so nú verður spennandi seinnapartin, um hann kann endurtaka metið, og vinna heiðursmerki.
