Teir fýra Magnus Jákupsson, Markus Joensen, Óli Mortensen og Tummas J. Danielsen settu í morgun stórt nýtt føroyskt juniormet í 4×100 metra blandaðari liðsvimjing, tá ið teir á Føroyameistarastevnuni og Juniormeistarastevnuni 2012 svumu teinin uppá tilsamans 4:02.79, har metið hjá HS frá FM 2010 var 4:15.95. Altso ein betring á yvir 13 sekund, fordeild yvir 4 knassar. Sí úrslit her.
Astrið Foldarskarð úr Ægir setti í morgun nýtt føroyskt met í 50 metra firvaldasvimjing, við tíðini 28.44, har føroyska metið hjá Astrið frá Ægir-stevnu í november 2011 var 28.45. Sí úrslit her.
Kristina Elin Thomsen úr Suðuroyar Svimjifelag setti í morgun nýtt juniormet í 50 metra firvaldasvimjing, við tíðini 28.49, har metið hjá Biritu Debes frá HS-stevnu í apríl 2011 var 28.85. Sí úrslit her.
Turið S. Christiansen úr Ægir setti í morgun nýtt juniormet í 200 metra blandaðari svimjing, við tíðini 2:23.95, har metið hjá henni frá FM/JM 2011 var 2:24.52. Sí úrslit her.
Í morgin árini byrjar árliga Føroyarmeistarastevnan og Juniormeistarastevnan í svimjing, í Svimjihøllini í Gundadali frá kl 10:00. Til ber at fylgja við úrslitunum beinleiðis her á livetiming.dk, og Kringvarp Føroya sendur so sjónvarp frá finalunum um kvøldið, í annaðkvøld forskotið kl 21:10, og so annars beinleiðis frá kl 17, leygardagin og sunnudagin.
Viðfestur er startlistin til Føroyameistarastevnuna og Juniormeistarastevnuna 2012, sum verður nú í vikuskiftinum frá fríggjamorgni 11. mai til sunnukvøld 13. mai. Skimma vit gjøgnum listan, so er tað skjótt greitt at Pál sær út til at fara at gera eitt stórt hál, við 13 fremstaplássum í styrkismetini, og at Magnus so liggur til at taka restina hjá monnum. Hjá kvinnum er tað meira skiftandi, at Poula, Cecilia, Astrið, Birita, Eva Kristina Elin Thomsen, Turið og Guðrun skiftast um at vera fremst.
Viðfest er innbjóðing til FøroyaMeistarastevnuna og JuniorMeistarastevnuna í svimjing, vikuskiftið 11. – 13. mai 2012, umframt tilhoyrandi tilmeldingarfílur.
Tíðarætlanin er hendan:
