Tag: FINA World Cup 2009

Tíðindaskriv frá Svimjisambandi Føroya:

Pál Joensen fer nú fríggjadag og leygardag tann 6. til 7. november at kappast á World Cup svimjistevnuni í Moskva, ímóti nøkrum av heimsins bestu langteinarum. Hetta er fyrsta av trimum World Cup stevnum hjá Páli Joensen í november, sum liður í fyrireikingunum ímóti evropameistarastevnuni á stuttgeil í Istanbul í desember.

Continue reading Pál til Moskva at kappast ímóti heimsins bestu

So hava russarar endaliga leysgivið startlistan til World Cup í Moskva í morgin, sum tí kann síggjast her á omegatiming.com. Vit síggja at Pál Joensen hevur fimtbestu tíð í 400 frí, umframt eina sum í øllum førum røkkur til finalupláss í 1500 frí (við tað at hann ikki skal svimja spakuligari riðlar). Kappingin í 400 frí eru serliga Nikita Lobintsev úr Russlandi, Mads Glæsner úr Danmark, Mikhail Polishchuk úr Russlandi og Dominik Meichtry úr Sveits, umframt Vitaly Romanovich úr Russlandi. Innleiðandi 400 frí verður svomið eitt sindur seint í stevnupartinum í morgin árini, sum annars byrjar longu kl 07:00 føroyska tíð, og so finaluna eisini eitt sindur væl eftir kl 14:00 í morgin, tá ið finaluparturin byrjar. Finalan í 1500 frí er hinvegin fyrsta kapping leygardag seinnapart, kl 14:00 føroyska tíð (17:00 Moskva tíð).

Jón Bjarnason skrivar her á svimjing.com, at teir fara at venja nú um einar 25 minuttir, at teir búgva saman við dønum, og at internetið er fínt og ókeypis á hotellinum. So har eru vónir fyri at frætta frá teimum, í leypi av tíðini í Moskva, um enn russar sjálvir ikki finna útav at koma við einum startlista. Pál skrivar á Facebook at ‘tað er kølið í Moscow’, og Jessica Hardy skrivaði á Twitter í dag at “Pool here has no signs in English! Walked in2 a stairway to roof instead of shower, oops! Have a Russian Trojan teammate here, so helpful!”. Verðin er av sonnum ‘sosial’ í dag 🙂

USA Today / AP skriva: “German swimmer Britta Steffen has pulled out of the short-course season, saying she was not ready to compete”. AFP veit at siga at hitt stóra týska navnið, Paul Biedermann, hevur ein lærskaða, men at hann væntandi verður klárur til í øllum førum World Cup í Berlin.

Sviar hava nú lagt út luttakaralistan til World Cup í Stockholm tann 10. til 11. november, ið frá byrjan til enda er fylltur við heimsstjørnunøvnum. Lotte Friist er fremst í 800 frí, Amaury Leveaux í 100 frí, Coralie Balmy í 200 frí, Cameron van der Burgh í 50 bringu, “Lethal” Leisel Jones í 100 bringu, og so framvegis. Pál Joensen luttekur sum kunnugt eisini í Stockholm, við styrkismeting sum nr 9 í 400 frí, og sum nr 2 í 1500 frí. Áðrenn hetta skal Pál luttaka á World Cup í Moskva, men tann luttakaralistin er torførari at finna.

Svenska Therese Alshammar meldaði frá finaluni í 100 blandað í kvøld, hóast hon setti heimsmet í greinini í morgun, og gav so í staðin alt í 50 metra firvalda finaluni. Nýggja heimsmetið er 24.75, har heimsmetið hjá avstralsku Marieke Guehrer frá World Cup í Berlin í fjør var 24.99. Les swimmingworldmagazine.com

Hetta skrivar www.simma.nu: “Den svenska deltävlingen av World Cup, i Stockholm 10-11 november kommer att få ett rejält lyft, i bassängen. Meste OS-mästaren Mike Phelps kommer nämligen på besök och det innebär att Stockholms deltävlingen får en riktig kick“.