Birita Debes luttók fyri løtu síðani í 50 metra ryggsvimjing á HM í Barcelona, og megnaði hon har at svimja seg til eitt 40. pláss av 51 luttakandi, við tíðini 30.57. Hetta er fjórbesta tíð sum hon (ella nøkur onnur føroysk kvinna) nakrantíð hevur svomið, har føroyska metið hjá henni er 30.12 frá Danish Open í mars mánaða. Sí úrslitalistan her.
Ein stutt briefing úr Palau Sant Jordi, meðan tey hita upp. Tíðirnar eg nevni eru føroyskar klokkutíðir. Hetta riggar bara fínt við GoPro Hero 2 og Zoom H2 mikrofon 🙂
Birita luttekur í fyrstu kapping, 50 rygg, sum byrjar klokkan 09:00 føroyska tíð. Hon er í triðja riðli. Bartal luttekur í 200 blandað, klokkan umleið 09:51, hann er í fyrsta riðli. Og Pál svimur 800 frí finalu klokkan 18:29 í kvøld.
Stóra søgan frá finalunum á HM í Barcelona í kvøld, var heilt vist holmgongan millum Lotte Friis og amerikansku Katie Ledecky, har tær báðar drógu longur og longur frá heimsmetinum, lið um lið, uttan at hvørgin vildi dvína. Fyrst við 1400 slapp Ledecky frá Friis, so at hon tók heimsmetið, báðar tó væl undir tað nú farna.
Onkur legði til merkis handan 800-meturin 🙂
Eg kannaði málið og fann útav at tað vóru hesar báðar senoriturnar
Pál Joensen svam seg í morgun trygt í HM-finalu í 800 metra frísvimjing, tá ið hann í Palau Sant Jordi høllini í Barcelona svam teinin uppá 7:50.81. Tað var næstbesta tíð í triðseinasta riðli, og rakk tað til eitt samanlagt sættapláss á startlistanum til finaluna. Sí úrslitalistan her.
Her er ein stutt samrøða við Pál sum eg gjørdi tá ið vit vóru komnir aftur á hotellið. Má blíva betur til hetta við at interviewa.
Birita Debes luttekur her í 100 metra ryggsvimjing á HM á langgeil í Barcelona. Hon er í svartari hettu á geil 0, allarnærmast okkum. Tíðin 1:05.64 er nýtt føroyskt met.
Poula Øssursdóttir Mohr luttekur her í 100 metra firvaldasvimjing á HM á langgeil í Barcelona. Hon er í hvítari hettu á geil 2, triðnærmast okkum. Tíðin 1:04.58 er nýtt føroyskt met.
Stóra søgan á HM í Barcelona í kvøld var tá ið 16 ára gamla Ruta Meilutyte úr Litava í hálvfinaluni í 100 metra bringusvimjing setti nýtt heimsmet, við at svimja teinin uppá 1.04.35. Ikki tí, hon er olympiskur meistari frá London 2012, har hon setti evropamet 1:05.21, og setti eisini ‘tekstil-heimsmet’ í innleiðandi riðlunum nú á HM í Barcelona, so tað vóru tey sum væntaðu (og vænta) okkurt stórt. Amerikanska Jessica Hardy átti heimsmetið á 1:04.45, frá US Open í 2009. Danska Rikke Møller Pedersen svam triðbestu tíð 1:05.99, sum er nýtt danskt og norðurlendskt met, og russiska Yuliya Efimova lá so millum tær báðar við 1:05.29. Finalan er í morgin.
Birita Debes setti í morgun eitt flott nýtt føroyskt met í 100 metra ryggsvimjing, tá ið hon á heimsmeistarstevnuni í Barcelona svam teinin uppá 1:05.64, har hennara føroyska met frá Danish Open í mars mánaða var 1:06.19. Tíðin var nóg góð til at hon bleiv nr 40 av 50, sí úrslitalistan her.
Her er Birita akkurát komin upp til okkum aftaná teir 100. Eg burdi kanska líka hava givið henni eina løtu til at summa seg áðrenn upptøku, men tað er so tað.
