svimjing.com

Hávur leyp úr akvarium í svimjihyl á Bahamas

He he, ein 12 ára gamalur ‘reef shark’ leyp herfyri úr sínum akvarium, 30 cm upp um kantin og umleið 6 metrar yvir, til ein vatnrutsjibana og niður í ein almennan svimjihyl. Har vóru eingi fólk í hylinum akkurát tá, og fyri alt tað plagdu fólk eisini at svimja saman við honum í akvariuminum. Men tíverri toldi hann ikki klorið í svimjihylinum, og doyði tí hóast umsjónarfólkini royndu at bjarga honum sum skjótast. Les telegraph.co.uk

(Carribean Reef Shark, courtesy Wikimedia Commons, GNU Free Documentation License 1.2)

Nýtt heimsmet í 4×100 frí hjá kvinnum

Tær fýra niðurlendsku Hinkelien Schreuder, Ranomi Kromowidjojo, Inge Dekker og Marleen Veldhuis betraðu í gjár um heimsmetið í 4×100 frí á stuttbana, tá ið tær á hálendsku stytthyljameistarakappingini svumu 3:28.22, har heimsmetið hjá teimum frá heimsmeistarastevnuni í Manchester í vár var 3:29.42. Les SwimInfo

(Tær fýra eftir at hava sett heimsmet í 4×50 frí á EM í Rijeka)
Continue reading Nýtt heimsmet í 4×100 frí hjá kvinnum

Ægir letur stórfingna gávu til tilhaldið “Sóljuna”

Tíðindaskriv úr Klaksvík …

Í samband við kappingina “Klaksvík National”, var skipað fyri lutaseðlasølu undir kappingunum, har vinningarnir vóru fartelefonir, sum Føroya Tele hevði latið.

Avgjørt var at yvirskotið frá lutaseðlasøluni skuldi fara til eitt vælgerandi endamali býnum, og fall valið á tilhaldið fyri eldri “Sóljuna” í Klaksvík.

Í samband við at tilhaldið skipaði fyri jólaborðhald fyri eldri á Klaksvíkar Sjómansheimið, handaðu umboð fyri Ægir, Símun Akursmørk og Kaj Dam, leiðaranum fyri tilhaldinum, Mamy Dahl Sørensen, ein kekk áljóðandi kr. 2.500,-

Continue reading Ægir letur stórfingna gávu til tilhaldið “Sóljuna”

Avstraliumenn forbjóða lynlásum í juniordraktum

USA og Evropa hava longu mótmælt teimum nýggjum draktunum, serliga tá ið tað kemur til yngri svimjarar, og nú heitir eisini Avstralia á altjóða svimjisambandið FINA, um at gera nakað við mátan sum draktir verða góðkendar. Tey vilja bíða til FINA hevur viðgjørt málið, fyrst í 2009, men seta tó longu nú forboð ímóti ‘superdraktum’ í yngri aldursbólkunum.

Og teirra forboð er nokk so vítt umfevnandi. Dreingir mugu bara brúka draktir sum ganga frá mjødnini av og niður á knæ, og gentur skulu brúka draktir við berum ryggi og bara stroppar um akslarnar. Og hartil verður forboð sett ímóti lynlásum og líknandi í draktini, til at fyribyrgja fyri veruligum ‘kompressiónsdraktum’ (t.e. at draktin situr so stramt, at miðjan á svimjaranum er totalt stív).

Kelda: SwimNews
Continue reading Avstraliumenn forbjóða lynlásum í juniordraktum

Nú heitir eisini LEN á FINA um fáa betri reglur um ‘superdraktir’

Evropeiska svimjisambandið LEN fundaðist leygardagin um draktirnar, og biður nú offisielt altjóða svimjisambandið FINA um at fáa í lag betri reglur. Serliga ynskja tey betri reglur um hvussu nógvar draktir svimjarin má brúka í senn, um hvørji evni draktirnar kunnu gerast burtur úr, og eina betri sertifisering. Les t.d. SwimNews

Avstralsk svimjing merkir fíggjarkreppuna

Avstralski høvuðsvenjarin Alan Thompson ávarar um tey fara at fáa trupult við at standa seg í altjóða kapping, nú stuðulin til teirra toppsvimjarar verður fastfrystur til somu umleið 16 milliónir krónur um árið, sum tey hava skula klára seg við tey seinastu 4. Orsøkin er serliga fíggjarkreppan sum er um allan heim í løtuni, og til samanberingar er fíggjarætlanin hjá bretskari svimjing minst 51 milliónir krónur um árið, hvørt ár fram til OL í London í 2012. Les AFP á Google

Breitt mótmæli ímóti nýggju superdraktunum, frá venjarum á EM

Sum tit kunnu lesa t.d. her í The Independent, so skrivaðu venjarar úr millum øðrum 15 av 17 teimum størstu evropeisku svimjitjóðunum undir mótmæli ímóti nýggju superdraktunum, á EM í Rijeka í síðstu viku. Teir ynskja betri kontrol av hvørjar draktir sum verða loyvdar, og krevja at draktirnar eru á marknaðinum í minst 12 mánaðir, áðrenn tær verða loyvdar á stóru meistarastevnunum.
Continue reading Breitt mótmæli ímóti nýggju superdraktunum, frá venjarum á EM

Tíðindaskriv frá SSF: Talentlandsliðvenjing í svimjing

Svimjisambandið skipaði fyri talenlandsliðsvejing, seinasta vikuskifti í november. Úr øllum føroyum stevndu 29 svimjarar til Klaksvíkar, har tey høvdu tríggjar venjingar, fyrlestur við Lívar Nysted, ið greiddi frá hvussu ein menti sær sum einstaklingur og setti sær mál. Eisini var okkurt at stytta sær stundir við og var alt liðið í Atlantis bio, til eina hugnaliga løtu. Hesi 29 svimjarar vóru í aldrinum 11 til 16 ár og vóru 21 gentur og 8 dreingir úttiknir.

Continue reading Tíðindaskriv frá SSF: Talentlandsliðvenjing í svimjing

Adidas annulerar avtaluna við týska svimjisambandið

Sum tit vist nokk frættu í onkrari av hasum frásøgnunum hjá okkum frá Rijeka, so vóru týskarar í beinleiðis kreppu á evropameistarastevnuni, av tí at teir skuldu svimja í draktum frá Adidas, sum teir sjálvir og onnur meta at vera slettis ikki á hædd við draktum frá t.d. Speedo, TYR og Blueseventy. Vit sóu fleiri ferðir at týskir svimjarar valdu púra at lata verða við at brúka drakt, og frættu eisini um at alt landsliðið hevði sagt beinleiðis, at tey vildu ikki svimja á HM í Rom í summar, um tey ikki sloppu at svimja í draktum frá øðrum veitarum.

(50 rygg finalan á EM í Rijeka. Teir báðir uttan drakt eru báðir týskarar)

Og nú hevur Adidas so sambært The International Herald Tribune tikið konsekvens av hesum, við at annulera avtaluna við týska svimjisambandið, beinleiðis “in light of recent events”. Tey í Adidas siga at tey ikki ætla seg burtur úr úrvalssvimjing fyri tað, men spurningurin er um nakar annar vil brúka draktirnar frá teimum. Vit sóu ongan, í Rijeka.

So komu vit heim aftur eisini

‘Festligt’ at skula møta at koyra við buss kl 02:40, og so bíða eftir einum burturmistum hvítarussa í 40 minuttir. Men vit komu so avstað, og túrurin heim gekk næstan eftir bókini. Vóru eitt sindur seinkað úr Kastrup; men tað var nokk líka so gott, tí annars var vandi fyri at vit ikki náddu flogfarið.

Continue reading So komu vit heim aftur eisini