Ungi havnarmaðurin Magnus Jákupsson megnaði í morgun at seta nýtt føroyskt met og juniormet í 50 metra firvaldasvimjing á langgeil, við tíðini 25.00 sekund sum samstundis rakk til eitt 12. pláss og semifinalu á evropeisku juniormeistarastevnuni í Beograd. Hann átti sjálvur metið 25.90 frá tá ið hann í hesi grein vann silvur á norðurlendsku meistarastevnuni fyri ung í fjør.
Continue reading Magnus 25.00 í 50 firvald, føroyskt met og í semifinalu á EJM 2011
Prátaði við Honnu í áðni sum ringdi frá minningarríka Tašmajdan svimjihylinum, har Pál á sinni vann 3 gull, og har sum tey nú í morgun fara undir EJM 2011. Her niðanfyri er ein frágreiðing frá túrinum síðani Aldershot og til í gjár, har tað millum annað verður fortalt um eitt heldur ótespiligt fyrsta hotell, at tey hava gingið nógv, og at Cecilia tíverri er forkølað.
FINA skrivar her at tey í Shanghai tann 15. juli fara at velja ímillum Guadalajara í Mexico, Hong Kong ella Kazan í Russlandi, sum vert fyri heimsmeistarastevnuna í 2015. Og, um teir báðir írestandu av hesum verða hildnir at kunna hýsa HM í 2017, so verður tað avgjørt eisini á hesum fundi. HM í 2013 verður sum kunnugt í Barcelona.
Ekstra Bladet skrivar her at Paulus Wildeboer nú ávarar donsku svimjararnar um ikki at nýta ov nógva tíð saman við familju, so stutt upp undir HM. Liðið er sum skilst væl fyri, í form eftir vikulangar venjingarlegur runt umkring í heiminum, og nú handlar tað altso um ikki at spilla tað burtur uppá ov nógva ‘sosialisering’.
Teir báðir Pál Joensen og Jón Bjarnason fyrireika seg uppá at fara víðari til Singapore á venjingarlegu, Pál við at fara fyrr og fyrr í song, og Jón við at flyta døgnið ‘hin vegin’. Sær út til at éin máti er við at spæla við iMovie 😛
Bernews skrivar her at svimjarar hjá Bermuda komu aftur í gjárkvøldið við 5 heiðursmerkjum frá eini stevnu tey kalla “Central American & Caribbean Swimming Championships”, sum varð hildin í Mayaguez í Puerto Rico frá 27. juni til 2. juli. Har eru fínar videoir á heimasíðuni, sum eg tó ikki fái at rigga her beint nú.
Jyllandsposten skrivar her at danska Arbejdstilsynet nú hevur heitt á løgregluna at saksøkja Ringsted Svømmeklub fyri hendingina tá ið 12 ára gamla Pernille Asmussen fekk eitt vekttorn omanyvir seg og doyði. Tey meta at Arbejdsmiljølógin er brotin, og juristar hjá løgregluni fara nú at meta um ákæra skal reisast ímóti svimjifelagnum.
Ekstra Bladet skrivar her um ein danskan mann í 30-unum sum fekk trupulleikar 15-20 minuttir inni í svimjingini á KMD Challenge triatloninum í Århus í gjár, fyri síðani at doyggja í sjúkrahúsinum. Tey høvdu stytt svimjingina niður í helvt tí at vatnið var so kalt, har minstamarkið hjá Dansk Triathlon Forbund er 14 gradir. Áðrenn kappingina høvdu tey tøgn í ein minutt, fyri ein annan íðkara sum hevði ætlað sær at luttikið, men sum doyði eftir at hava vant á somu leið, síðsta vikuskiftið.
Ragnvald Jensen megnaði í gjár at svimja seg til eitt 14. pláss í 200 metra frísvimjing, á IPC evropameistarastevnuni í Berlin. Tíðin var 2:20.39, í mun til tilmeldingartíð 2:24.00.
Michael Phelps megnaði í gjár á Canada Cup at svimja 51.32 í 100 metra firvaldasvimjing, sum er besta tíð í heiminum í ár, frammanfyri Wu Peng og aðrar. He is back! 🙂
