Jeanette Ottesen fer at royna seg sum stand-up komikari

Sporten.dk skrivar her at danski heimsmeistarin í 100 metra frísvimjing Jeanette Ottesen nú skjótt fer at royna seg sum stand-up komikari í sjónvarpaðum ‘Vild med comedy’ á TV 2 Zulu. Ikki tí at hon heldur seg vera serliga stuttliga, men tí at hon vil royna sínar grensur av.

– Jeg skal være med i programmet ’Vild med comedy’ på TV 2 Zulu. Dybest set har jeg sagt ja, fordi jeg er pissebange. Jeg skal overskride mine egne grænser, og der skal ske noget vildt, fortæller Jeanette Ottesen i bilen på vej hjem fra optagelser med tv-holdet.

– Jeg elsker stand-up, og jeg synes, det er fedt at se som publikum. Men personligt er jeg slet ikke sjov. Hver gang jeg forsøger at være sjov, falder det til jorden. Men det er derfor, jeg vil være med. Jeg vil lære at være sjov og overskride egne grænser på vejen, fortæller hun.

Jeanette Ottesen

MK31 nú eisini undir VAT (har Magnus venur)

Ikki soleiðis ekstremt viðkomandi tíðindi fyri okkum í Føroyum, men stuttligt at síggja Magnus nevndan sum ein av profilunum á liðnum hjá (besta danska svimjifelagi) VAT:

Det nye startfællesskab råder over svømmere som Mads Glæsner (der allerede er kvalificeret til OL i London) Jakob Andkjær, Daniel Skaaning, Anders Jensen, Anna-Maria Svanbergsson, Morten Klarskov, Magnus Jakupsson, Søren Dahl og Jonas Sørensen, der alle er medaljetagere ved danske og/eller internationale mesterskaber.

Sí VAT og SwimNews.dk

68 ára gamla Dr. Katz heldur pensionistar sunnar við svimjing

Ógvuliga positiv video her, við fyrrverandi OL-svimjara Dr. Jane Katz, professari í heilsu og venjing, sum í New York dagliga stríðist fyri at halda pensionistar sunnar og mótvirka teirra aldursteknum, við at skipa fyri svimjing. Via ABC News.

video platformvideo managementvideo solutionsvideo player

Alex er ársins svimjari í Evropa

DSC00386NRK og Norges Svømmeforbund avdúka nú at evropeiska svimjisambandið LEN hevur valt norska Alexander Dale Oen til ársins mannliga svimjara í Evropa, við atkvøðugreiðslu millum tey 51 limalondini og fjølmiðlafólk. Hetta í tættari kapping við franska Camille Lacourt, 31.9% ímóti 28.9%. Ársins kvinnuligi svimjari bleiv nógv meira yvirbevísandi italska Federica Pellegrini, við 62.9% ímóti 15.7% til bretsku Rebecca Adlington og 14.3% til svensku Therese Alshammar.

Í havsvimjingini vórðu tað Keri-Anne Payne úr Bretlandi og Thomas Lurz úr Týsklandi, aftur yvirbevísandi 42.0% í mun til 24.6% til italsku Martina Grimaldi og 58.8% í mun til 17.6% til grikska Spyridon Gianniotis. Felags fyri øll hesi er, at tey vunnu minst eitt gullheiðursmerki á HM í Shanghai, Pellegrini í 200 og 400 frí, Alex í 100 bringu, Lurz á 5 km og Payne á 10 km.

Prát við Dr Homayun Gharavi umborð á Smyrli sunnukvøldið

Pál Joensen og Jón Bjarnason høvdu í farnu viku vitjan av einum týsk-iranskum lækna kallaður Dr Homayun Gharavi, ið teir fyrstu ferð møttu í 2010, á “Battle Camp” í Potsdam og síðani á Mare Nostrum í Monaco. Eg fór sjálvur suður í barnadóp sunnudagin, og slapp tá at uppliva síðstu venjing har suðuri leygarkvøldið, umframt at gera hesar báðar samrøðurnar við “Homer” umborð á Smyrli á veg heim aftur sunnukvøldið.

Fyrsta video er mest um hvør hann er, hvat hann ger og hvat hann heldur um sítt yrki. Hartil eitt lítið sindur um vikuna í Suðuroy, inntil eg uppdagaði at videotólið manglaði streym.


Continue reading Prát við Dr Homayun Gharavi umborð á Smyrli sunnukvøldið

Mie Ø. vann á Lotte Friis í 200 frí

15-ára gamla Mie Ø. Nielsen gjørdi her um vikuskiftið ein ordiligan vørr á World Cup í Berlin, tá ið hon millum annað setti danskt juniormet í 100 frí við 54.03, og svam seg til eitt sættapláss í finaluni í 400 frí við nýggjum donskum juniormeti 4:06.51, frammanfyri norsku Cecilie Johannesen sum annars við 4:06.56 tók 15 ára gamla norska seniormetið frá Irene Dalby. Mie tók juniormetið í 400 frí frá sjálvari Lotte Friis, og megnaði hartil at svimja skjótari enn Friis í innleiðandi 200 frí, við 1:58.84 í mun til 1:59.61, har hvørki hon ella Friis tó komu í finalu. Mie er dóttur danska OL-silvurvinnaran Benny Nielsen, sum tit sikkurt sóu rósa Pál og Jón í DR-sendingini leygarkvøldið. Les t.d. politiken.dk.

Missy Franklin má takka nei til kanska 70.000 dollarar vegna NCAA-reglur

High school gentan Missy Franklin klárar seg so mikið væl á World Cup – millum annað við at seta heimsmet í 200 metra ryggsvimjing í Berlin – at hon kann koma at vinna upp til 50-70.000 dollarar í pengapremium, eisini um hon ikki fer avstað við høvuðsvinninginum á 100.000 dollarar. Men, hon noyðist allarhelst at siga nei takk til pengarnar, um hon í framtíðini ynskir at kunna luttaka í NCAA-kappingum á amerikanskum universitetum, har tey hava rættiliga hørð krøv um at íðkararnir skulu vera amatørar. Les SwimmingWorld Magazine.

Update: Her er ein longri grein um støðuna hjá Missy Franklin.