Elisabeth Erlendsdóttir (2005, HS) royndi seg í vikuskiftinum á “2024 Georgia Tech Fall Invitational”, og svam seg har til rættiliga skjót úrslit. Millum annað var hon skjótast í B-finaluni í 200 yard rygg, við tíð sum hevði rokkið til eitt 6. pláss í A-finaluni. Sí viðfesta úrslitalista.
Tey bæði Líggjas Joensen (2008, Ægir) og Jonna Joensen (2005, Ægir) fara at royna seg á Aalborg Cup 2024, nú í vikuskiftinum, við Aalborg Svømmeklub. Líggjas er meldaður til í 200 blandað og 100 firvald, meðan Jona er tilmeldað í 50, 100 og 200 firvald og rygg. Sí Swimify
Elisabeth Erlendsdóttir fer í vikuskiftinum at royna seg á Georgia Tech Invite í heimahyli í McAuley Aquatic Center í Atlanta, Georgia, sum var har m.a. kappsvimjingin var á OL í 1996. Elisabeth skal royna seg í 50 yard frí, 100 yard rygg og 200 yard rygg, úrslit fara at síggjast á Meet Mobile
Ein nýggj ráðgeving, nevnd Tryggur ítróttur, sum skal stuðla undir trygd og trivnaði í ítróttafelagsskapum, er júst latin upp. Ráðgevingin er ætlað feløgum, íðkarum, foreldrum og øðrum, ið hava spurningar ella ivamál um trygd og trivnað. Ein royndur ráðgevi er settur – og Betri Trygging er høvuðsstuðul.
Aalborg Svømmeklub megnaði at basa risanum úr Keypmannahavn, Hovedstadens Svømmeklub, við at vinna gull nú í bestu deild á donsku meistarastevnuni fyri lið, í sera tøttum dysti við netupp Hovedstaden. Sí stigatalvuna her
Íðkaranevnd SSF hevði fingið í lag nakrar heiðrar afturat til íðkarar og felag, til gallaveitsluna nú leygarkvøldið hin 16. november 2024.
Lea Osberg Højsted (2008, Ægir) og Líggjas Joensen (2008, Ægir) eru ársins svimjarar, sum kunngjørt á gallaveitsluni sum íðkaranevnd SSF skipaði fyri í gjárkvøldið.
Av tí at Líggjas er burturstaddur, er myndin av teimum báðum frá FMS/JMS 2024, har tey fingu steyp fyri hægstu AQUA-stig á hesi stevnu.
Jóhanna Ólavsdóttir (2007, FS) og Silas Dam Lindberg (2008, HS) eru ársins stjørnuskot, sum kunngjørt á gallaveitsluni sum íðkaranevnd SSF skipaði fyri í gjárkvøldið.
Starvsnevnd SSF hevur samtykt at vilja bjóða fylgjandi svimjarum luttøku á HM á stuttgeil 2024, sum verður í Budapest í Ungarn hin 10. til 15. desember 2024. Svimjararnir eru spurdir, og hava tikið av tilboðnum.
Starvsnevnd SSF hevur samtykt at vilja bjóða fylgjandi svimjarum luttøku á NM og NJM 2024, sum verður í Vejle í Danmark hin 1. til 3. desember 2024. Svimjararnir eru spurdir, og hava tikið av tilboðnum.
