European Aquatics hevur fráboðað nær hetta ymiska verður á EM 2026 í París, og er tað flutt eitt sindur út í august mánaða.
EM fyri U23 verður í Samorin í Slovakia nú hósdag 26. til leygardag 28. juni, við luttøku av eisini trimum føroyskum svimjarum.
Leinki til startlistar og úrslit og stroyming og tílíkt, fara at finnast her á heimasíðuni hjá European Aquatics.
Føroysku tilmeldingarnar eru:
Nú nærkast til landsliðsuppgávurnar í summar, og eru hóparnir tí fingnir uppá pláss. Okkurt avboð hevur verið, og onkur eykaúttøka eisini, so at hóparnir eru …
Kanadiska Summer McIntosh hevur svomið framúr nú á kanadisku úttøkustevnuni til HM 2025.
Leygardagin tók hon heimsmetið frá avstralsku Ariarne Titmus í 400 frí við 3:54.18, sunnudagin tók hon heimsmetið frá ungarsku Katinku Hosszu í 200 blandað við 2:05.70, og í gjárkvøldið betraði hon um sítt egna heimsmet í 400 blandað við 4:23.65.
Hartil setti hon sunnudagin kanadiskt met í 800 frí við 8:05.07 har heimsmetið hjá amerikansku Katie Ledecky frá í mai er 08:04.12, og týskvøldið kanadiskt met í 200 firvald við 2:02.26 har heimsmetið hjá kinesisku Liu Zige frá 2009 er 2:01.81.
Her eru úrslitini frá FøroyaMeistarastevnuni og JuniorMeistarastevnuni á langgeil 2025, sum Svimjisamband Føroya og Suðuroyar Svimjifelag skipaðu fyri í Páls Høll í Vági nú á Hvítusunnu hin 7. til 9. juni 2025. Úrslitini síggjast eisini her á Swimify, umframt her á SwimRankings
Svimjisamband Føroya og Suðuroyar Svimjifelag skipa hetta vikuskiftið fyri árligu FøroyaMeistarastevnuni og JuniorMeistarastevnuni á langgeil 2025, í Páls Høll í Vági. Stevnan byrjar við innleiðandi riðlum og juniormeistarastevnu nú leygarmorgunin kl 09:30, og fyrstu FM-finalur eru so aftur frá kl 17:00.
Startlistar síggjast her á Swimify, har eisini úrslitini fara at kunna síggjast so hvørt sum svomið verður. Sí eisini niðanfyri standandi fílu.
Vit ætla at stroyma eisini, á YouTube-rásini hjá SSF. Tó verður ikki stroymað frá fyrsta stevnupartin, vegna forfall.
Suðuroyar Svimjifelag ella sum vit lokalu siga “SuSvim” søkir nýggjan høvuðsvenjara.
EM í Open Water var í Stari Grad á oynni Hvar í Kroatia nú hin 28. til 31. juni 2025, við eisini føroyskari luttøku. Tað gekk sera væl, nú okkara fingu úrslit í øllum teimum kappingum sum tey luttóku í, hóast at vera klárt í yngra endanum, og hóast at vit eru rættiliga óroynd í hesum.
Her eru nakrar myndir sum myndafólk hjá evropeiska svimjisambandinum hava tikið, frá stevnuni. Úrslitini síggjast her hjá European Aquatics
Images courtesy of European Aquatics / Antonella Mannara
Her er video frá liðsvimjingini, har man viðhvørt sær føroyingarnar
Í hesum døgum er EM í Open Water 2025, í Stari Grad á oynni Hvar í Kroatia. Føroyski hópurin er komin fram í øllum góðum, og eru klár at kappast hesar næstu tríggjar dagarnar.
AldursBólkaMeistaraStevnan 2025 er fult í gongd í Svimjihøllini í Gundadali, við einum 171 tilmeldaðum svimjarum. Úrslitini síggjast so hvørt her á Swimify, og annars eru fólk vælkomin at koma at hyggja og heppa á hesi ungu.
Tað er ókeypis at koma at hyggja – men um ætlanin er at svimja, so mást tú annaðhvørt vera tilmeldaður til at kappast, ella sum vant keypa atgongumerki til almennu svimjingina í gomlu høllini.
