Svimjisamband Føroya skipaði í dag í samstarvi við Svimjihøllini í Gundadali, fyri endurnýggjan av lívbjargingarroynd hjá teirra lívbjargarum. Tey vóru 7 sum fóru ígjøgnum rulluna, undir leiðslu av Sørini S. Djurhuus, nevndarlimi í Svimjisambandi Føroya og primus motor fyri okkara lívbjargingarát, og Rúnu Mortensen sum er lívbjargingardómari hjá Svimjihøllini í Gundadali.
Vágs Býráð samtykti á býráðsfundi týskvøldið at gerast partur av uppíbygging í Páls Høll, soleiðis at eitt baðiland nú verður bygt uppí Páls Høll.
Grunnurin Páls Høll hevur vent sær til Vágs kommunu við uppskoti um at byggja út Páls Høll við einum baðilandi, og hevur Grunnurin í hesum sambandi heitt á Vágs kommunu um at gerast partur av ætlanini, og hetta samtykti Vágs Býráð á býráðsfundi týskvøldið.
Talan er um eina útbygging á umleið 400 m2, har m.a. rutsibanar, smærri hylur, boblibað og annað verður. Útbyggingin fevnir eisini um at økið til venjingarmiðstøðina verður víðkað við umleið 100 m2.
Lesið meira her á vagur.fo
Magnus Jákupsson verður sum skilst ein av fýra landsliðssvimjarum frá Team Danmark, sum í kvøld verða at síggja í Sportsmagasinet: Sportslab, har tey fara at umrøða onkran áhugaverdan hitavest:
Programmet tester også en helt ny opfindelse sammen med fire landsholdssvømmere fra Team Danmark. Det handler om en varmevest, der efter planen skal tænde op under de danske medaljechancer ved de olympiske lege i Rio til sommer.
Kunning vegna Svimjisamband Føroya
Føroyskir svimjarar fara nú í seinni helvt av februar at luttaka í eini granskingarverkætlan hjá Fróðskaparsetur Føroya og Københavns Universitet, á testdeplinum hjá iNOVA í Tórshavn, at royna at staðfesta um svimjiergometur kunnu lýsa teirra svimjievni í vatni.
Myndatekstur: Magni Mohr vísir venjarum og leiðarum útgerðina á iNOVA, 18. apríl 2015
Altjóða svimjisambandið FINA fegnast í morgun um at ST felagsskapurin UNESCO hevur broytt sín ítróttarsáttmála til beinleiðis at siga, at svimjiførleiki er ein lívsneyðugur førleiki hjá øllum sum kunnu hugsast at kunna drukna.
Tað vil av góðum grundum siga hjá allarflestu menniskjum í heiminum, við tað at vit væl øll so-ella-so hava atgongd til hav, á, vøtn ella hyljar.
Svimjing og dansur eru einastu greinar sum eru beinleiðis nevndar í sáttmálanum, meðan alt annað so ella so (saman við svimjing og dansi) er skipan av grundførleikum sum úthaldni, fimi, balansu og koordinatión.
Image courtesy of Brian Gratwicke, CC BY 2.0
Continue reading UNESCO staðfestir at svimjiførleiki er ein grundleggjandi rættur
Svimjisamband Føroya skipaði í gjárkvøldið fyri lívbjargingarroynd í Fuglafirði, har 2 fólk frá Fuglafjarðar Kommunu og 4 frá Fuglafjarðar Svimjifelag fingu dagført síni lívbjargingarprógv.
Páls Høll fær ágóðan av norðurlendsku virðislønini hjá SEV, sum verður latin langhylinum at brúka til eina lyftu til rørslutarnað
Páls Høll er ein verkætlan, har borgarar hava tikið tung tøk fyri at gera dreym til veruleika, og henda verkætlanin líkist grundhugsanini undir SEV, sum er ein samhaldsføst skipan, har vit lyfta í felag.
Tveir av stigtakarunum til verkætlanina greiða frá tilgongdini at byggja Páls Høll, frá tí at teir sótu fimm á fundi aftaná at Pál Joensen hevði vunnið silvur á Evropeisku Meistarastevnuni í Budapest í 2010, og til at fyrsti 50 metra hylur í Føroyum her hin 17. oktober 2015 var klárur at taka í nýtslu.
Tíðindaskriv frá Grunninum Páls Høll
Leygarmorgun kl. 10 verður alment hátíðarhald í Páls Høll, tá Páls Høll verður latin upp fyri almenninginum. Og tað verður sjálvsagt Pál Joensen, sum kemur at lata upp Páls Høll, og verður hetta gjørt saman við lokalu landsstýrisfólkunum Henrik Old og Sirið Stenberg.
Tíðindaskriv frá grunninum Páls Høll
Hátíðardagur verður í Vági leygardagin 17. oktober 2015, tá Páls Høll letur upp fyri almenninginum.
Í spenningini hava fólk kring alt landið og uttanlands við bíða eftir degnum, har Páls Høll letur upp fyri almenninginum. Nú kann stórur krossur setast í kalendaran leygardagin 17. oktober, tá hátíðardagur er inni á Oyurunm í Vági.
Nærri verður kunna um skránna fyri hátíðardagin seinni.
Gleðið tykkum, tað gera okur !
Grunnurin Páls Høll
www.svimjihollin.com
