Pál, Henrik og Sirið lata upp Páls Høll

Tíðindaskriv frá Grunninum Páls Høll

Leygarmorgun kl. 10 verður alment hátíðarhald í Páls Høll, tá Páls Høll verður latin upp fyri almenninginum. Og tað verður sjálvsagt Pál Joensen, sum kemur at lata upp Páls Høll, og verður hetta gjørt saman við lokalu landsstýrisfólkunum Henrik Old og Sirið Stenberg.

Pál í Páls Høll

Hátíðarhaldið byrjar kl. 10 leygarmorgun, tá John Henrik Holm og Dennis Holm frá Grunninum Páls Høll bjóða vælkomin og greiða frá hvussu Páls Høll er vorðin veruleiki. Jón Bjarnason frá Grunninum Páls Høll og venjari hjá Susvim fer síðani at røða um hvønn týdning ein 50 m. svimjihylur fær fyri føroyska svimjing.

Á skránni er eisini framførslur, m.a. frá Ljómi, og er eisini onkur frumframførsla á skránni.

Svimjarar og Svimjisambandið sleppa sjálvsagt eisini til orðanna, umboðaði av svimjarunum Pál Joensen og Sáru R. Nysted og formanninum í Svimjisambandi Føroya, Rókur í Jákupsstovu.

Hátíðarhaldið er sum nevnt alment, og øll eru hjartaliga vælkomin.

Almenn svimjing frá kl. 13

Frá kl. 13 verður Páls Høll opin til almenna svimjing. Og tey fyrstu 100 viðskiftafólkini sum fara at svimja fáa gávuposa frá Páls Høll.

Grunnurin Páls Høll

Ger viðmerking

This site uses Akismet to reduce spam. Learn how your comment data is processed.