FLOT stevna var á Toftum í dag, har okkara yngstu svimjarar kappaðust í vanligu greinunum, umframt onkrari par-grein og mix-stafett. Úrslitið var at Ægir vann flest heiðursmerki – 8 gull, 7 silvur og 6 bronsu – við SuSvim sum nummar tvey og FLOT sum nummar trý. Sí viðfesta úrslitalista, og les meira til at síggja heiðursmerkjabýtið.
Category: Kapping
Startlisti til FLOT stevnuna 2009
Viðfestur er startlistin til svimjistevnuna á Toftum í morgin. Rúni biður heilsa, at endaligu tilmeldingarnar til kap. 24 kunnu gerast í morgin kl.13.00
FINA hevur broytt junioraldurin hjá gentum og dreingjum
Veit ikki um tit hava lagt merki til hetta, í hasum seinasta tíðindaskrivinum frá FINA: “new age limits for the FINA World Junior Swimming Championships (boys – 16-18 years old; girls – 15-17 years old)”. Mær vitandi vóru aldursbólkarnir ávíkavist 17-18 og 15-16 áðrenn hetta, sum so merkir at nakrir eitt sindur yngri dreingir og nakrar eitt sindur eldri gentur sleppa við, tá ið Junior-HM verður í Peru í 2010.
Eingir Oyggjaleikir í Føroyum ár 2015
Sum tit kunnu lesa her á isf.fo, so hevur Ítróttarsamband Føroya nú slept ætlanunum um at hava Oyggjaleikir í Føroyum ár 2015, við støði í verandi ítróttaanleggum, verandi gistingarmøguleikum, fíggjarligu støðuni í samfelagnum, kostnaði hjá hinum londunum at koma higar, “og ikki minst, hvørjar aðrar oyggjar bjóða seg fram at vera vertir fyri Oyggjaleikunum í 2015”. Niðurstøðan er eisini grundað á, at stórt og umfatandi og ikki minst kostnaðarmikið tilfar skal framleiðast innan 1. september í ár, tá freistin at bjóða seg fram til 2015 fer. Tann pening metir ÍSF seg ikki at eiga at nýta, nú møguleikarnir allíkavæl ikki eru so góðir at fáa leikirnar.
Innbjóðing til SUM 2009
Viðfesti er innbjóðingin frá Svimjisambandi Føroya, til SmáUnglingaMeistarastevnuna 2009, sum verður í Klaksvík tann 25.-27. apríl 2009. Kappingin er fyri bólkarnar 1, 2 og 3, sum í ár eru gentur føddar 1995 og yngri, og dreingir føddir 1993 og yngri. Grodan tilmeldingarfílan kemur ein av fyrstu døgunum.
Avstralar strika heimsmetið hjá Alshammar, tí hon var í tveimum draktum
Ekstra Bladet og SwimNews.dk vita nú at siga, at tað allíkavæl ikki varð til heimsmet hjá svensku Therese Alshammar í gjár, tá ið hon á avstralsku langbanameistarastevnuni svam 25.44 í 50 firvald. Trupulleikin var nevniliga, at hon var í tveimum svimjidraktum, í mótstríð við nýggju FINA reglurnar frá leygardegi av, og at dómararnir tí sóu seg noyddar at kolldøma hana. Alshammar hevur valt at kæra avgerðina. Les eisini SwimNews.com
Tveir bretar undir heimsmetið í 400 frí
Man má siga at bretar verða bara meira og meira klárir til OL í London 2012, nú Rebecca Adlington á bretsku langteinameistarastevnuni í gjár mátti noyðast við silvur við tíðini 4:00.89, hóast hon var undir ‘gamla’ heimsmetið hjá Federica Pellegrini á 4:01.53, tí at (eisini bretska) Joanne Jackson vann gull og setti heimsmet við tíðini 4:00.66. Les SwimInfo
Alshammar nýtt heimsmet í 50 firvald
Svenska Therese Alshammar svam 25.44 á Australian Long Course Championships í Sydney í gjár, har heimsmetið hjá henni frá 2007 var 25.46. So hasin trupulleikin slapp ikki at verða leingi, at svenska metið var betri enn tað evropeiska. Les swiminfo.com
Afturlit: Skálafjarðarsvimjingin 2000
Bartal hevur hjálpt mær at fáa hesa videoina á netið, sum er video frá Skálafjarðarsvimjingini 2000 í fullari longd. Stuttligt at síggja so nógv kend andlit í videoini, sum ikki akkurát tá vóru so øgiliga nógv frammi í svimjingini. Og orsaka tann nógva vindin, og óstøðugu myndina undir sjálvari svimjingini… vánaligt kamera, vindur, og so rullaði tað jú 🙂
Nýtt heimsmet í 200 bringu hjá kvinnum
Kanadiska Annamay Pierse setti í gjár nýtt heimsmet í 200 bringu, við at svimja 2:17.50 á kanadisku stutthyljameistarastevnuni, har heimsmetið hjá avstralsku Leisel Jones frá Melbourne í 2003 var 2:17.75.
Her er eitt brot við Pierse frá OL í Beijing, har hon gjørdist nr 6 …